၂၀၂၂ ခုနှစ် ဇူလိုင်လ ဂျပန်ဘာသာအရည်အချင်းစစ်စာမေးပွဲ(JLPT)

၂၀၂၂ ခုနှစ် ဇူလိုင်လ (၃) ရက်နေ့ (တနင်္ဂနွေနေ့) တွင် ဂျပန်ဘာသာ အရည်အချင်းစစ်စာမေးပွဲ (JLPT) အား အောက်ဖော်ပြပါအတိုင်း ရန်ကုန်နှင့် မန္တလေးတို့တွင် ကျင်းပမည်ဖြစ်ပါသည်။

※ Covid-19 ရောဂါဖြစ်ပွားမှုများနှင့်လက်ရှိအခြေအနေများကြောင့် ဖြေဆိုသူဦးရေ သတ်မှတ်ချက်များဖြင့်သာ ကျင်းပပြုလုပ်သွားနိုင်မည်ဖြစ်ပြီး၊ လူအချင်းချင်းထိတွေ့မှု မရှိစေရန် အွန်လိုင်းမှသာ လျှောက်လွှာများကို လက်ခံသွားမည်ဖြစ်ကြောင်း ဦးစွာအသိပေးအပ်ပါသည်။ အခက်အခဲများအကြားတွင် ကျင်းပပြုလုပ်ရန် စီစဉ်ရသည် ဖြစ်ပါသောကြောင့် လူဦးအကန့်အသတ်ထားရှိမှုအပေါ် နားလည်ပေးပါရန်နှင့် စာမေးပွဲအောင်မြင်ရန် လိုအပ်ချက်မြင့်မားသူများသာ လျှောက်ထားကြပါရန် မေတ္တာရပ်ခံအပ်ပါသည်။

စာမေးပွဲဝင်ရောက် ဖြေဆိုမည့်သူများမှာ အောက်ပါ အချက်အလက်များကိုလေ့လာပြီး လျှောက်ထားနိုင်ပါသည်။

၁။ စာမေးပွဲကျင်းပမည့်နေ့ရက်

ဇူလိုင်လ (၃) ရက်နေ့ (တနင်္ဂနွေနေ့)

၂။ ကျင်းပမည့်နေရာ၊ စာမေးပွဲအဆင့်နှင့် အရေအတွက်

ရန်ကုန်မြို့ – N1 ၂၀၀ ဦး၊ N2 ၁၀၀၀ ဦး၊ N3 ၂၀၀၀ ဦး၊ N4 ၆၈၀၀ ဦး

မန္တလေးမြို့- N1 ၁၀၀ ဦး၊ N2 ၁၅၀ ဦး၊ N3 ၃၅၀ ဦး၊ N4 ၃၄၀၀ ဦး

စာမေးပွဲအဆင့်နှင့် အရေအတွက်မှာ ယခုအကြိမ်တွင် ကျင်းပပေးနိုင်သည့် လူဦးရေနှင့် ၂၀၁၉ ခုနှစ် ဒီဇင်ဘာလစာမေးပွဲတွင် ဖြေဆိုခဲ့သည့်လူဦးရေပေါ်တွင် အခြေခံ၍ သတ်မှတ်ထားပြီး၊ စာမေးပွဲအောင်လက်မှတ် အသုံးချနိုင်မှု ဦးစားပေးလိုအပ်ချက်များအရ N1 ၊ N2 ၊ N3 ၊ N4 သာ ယခုအကြိမ်တွင် ထည့်သွင်းထားခြင်းဖြစ်ပါသည်။

၃။ စာမေးပွဲကြေး

စာမေးပွဲကြေး (N4) – ၃၀,၀၀၀ကျပ်

စာမေးပွဲကြေး (N3 , N2 , N1) – ၄၀,၀၀၀ကျပ်

လျှောက်လွှာကြေး – ၃,၀၀၀ကျပ်

Covid-19 ရောဂါကူးစက်မှုအခြေအနေနှင့် အခြားသော အကြောင်းအရင်းများကြောင့် စာမေးပွဲပြုလုပ်ကျင်းပနိုင်ခြင်းမရှိပါက စာမေးပွဲကြေးအား ပြန်လည်ပေးအပ်သွားမည်ဖြစ်သော်လည်း၊ လျှောက်လွှာကြေးအား ပြန်လည်ထုတ်ပေးမည်မဟုတ်ကြောင်း ကြိုတင်အသိပေးအပ်ပါသည်။ လျှောက်လွှာကြေးသည် လျှောက်လွှာ လက်ခံစီစဉ် ဆောင်ရွက်ခြင်းအတွက် ကုန်ကျသောစရိတ် ဖြစ်ပါသည်။

၄။ လျှောက်လွှာလက်ခံမည့်ကာလ

N1,N2 (Yangon + Mandalay) – ၂၃.၂.၂၀၂၂ မှ ၁.၃.၂၀၂၂ အထိ

N3 (Yangon + Mandalay) – ၂၄.၂.၂၀၂၂ မှ ၂.၃.၂၀၂၂ အထိ

N4 (Mandalay) – ၂၅.၂.၂၀၂၂ မှ ၃.၃.၂၀၂၂ အထိ

N4 (Yangon) – ၂၆.၂.၂၀၂၂ မှ ၄.၃.၂၀၂၂ အထိ

※ သတ်မှတ်အရေအတွက်ပြည့်သည်နှင့် လျှောက်လွှာလက်ခံခြင်းကို ရပ်ဆိုင်းမည် ဖြစ်ပါသည်။

၅။ Online Application လျှောက်ထားရန်အတွက် ကြိုတင်ပြင်ဆင်မှုပြုလုပ်ရန်လမ်းညွှန်

ကြိုတင်ပြင်ဆင်ရမည့်အရာများ

(၁) Email အကောင့်

(၂) JLPT Application Form 2022A

(၃) ID Card (NRC စသည့် သက်သေခံကဒ်ပြား)

(၄) ဓာတ်ပုံ

(၁) Form တင်ခြင်း၊ Test Voucher လက်ခံခြင်းတို့အတွက် Email Account လိုအပ်ပါသည်။ အကောင့်တခုမှ တစ်ကြိမ်သာ လက်ခံရန်ပြုလုပ်ထားပါသဖြင့် မိမိကိုယ်ပိုင် Email Account အား ဖွင့်လှစ်ထားရှိပါရန် အသိပေးအပ်ပါသည်။

(၂) JLPT Application Form 2022A အား အောက်ဖော်ပြပါ Link မှ Download လုပ်ပါ။

https://ascoja-maja.org.mm/…/application_form__2022A…

၂၀၂၂ခုနှစ် ဇူလိုင်လ ဂျပန်ဘာသာအရည်အချင်းစစ်စာမေးပွဲလမ်းညွှန်

https://ascoja-maja.org.mm/upload/pdf/test_guide_2022A.pdf

“How to Fill in the Application Form and Test Voucher” (အထက်ပါ စာမေးပွဲလမ်းညွှန် Page 21-30)

ကွန်ပျူတာတွင် “Adobe Reader Application” ဖြင့် JLPT Application Form 2022A (writable) File တွင် အချက်အလက်များကိုတိကျမှန်ကန်စွာဖြည့်သွင်းပြီး၊ Adobe Reader ၏ “Fill & Sign Tools” ကိုအသုံးပြုကာ၊Form A, B, C တို့တွင် Date နှင့် Signature အားဖြည့်သွင်းပါ။

သတိပြုရန် – Form A ၏ အပေါ်ဆုံး ညာဖက်ရှိ “受験上の配慮を希望 Request Special Testing Accommodations ” သည် မသန်စွမ်းသူများသာ အမှန်ခြစ်ရမည် ဖြစ်ပါသည်။

Date ဖြည့်သွင်းနည်း – “Fill & Sign Tools” မှ “Add Text” ကိုနှိပ်ပါ။ Form A ၏ Date နေရာကိုနှိပ်ပြီး၊ နေ့စွဲအားရေးသွင်းပါ။ (Eg: 2022/01/20)Form B, Form C တွင်လည်းအလားတူအတိုင်းနေ့စွဲအားဖြည့်သွင်းပါ။

Signature ဖြည့်သွင်းနည်း – စာရွက်အဖြူပေါ်တွင် စာဖြေသူလက်မှတ် ရေးထိုးကာဓာတ်ပုံရိုက်၍ (သို့) Scan ဖတ်ကာ image file ဖြင့် သိမ်းဆည်းပါ။ “Fill & Sign Tools” မှ “Place Signature” ကိုနှိပ်ပါ။ (အခြား Signature သိမ်းထားပြီးဖြစ်နေပါက၊ “Clear Saved Signature” ဖြင့် ဖျက်ပါ။) “Place Signature” Window ပေါ်လာပါက “Used an image”ကိုရွေးပြီး၊ File နေရာတွင် မိမိ၏လက်မှတ်အားသိမ်းဆည်းထားသော image file ကို ရွေးပေးပါ။ “Accept” ကိုနှိပ်ပြီးပါကမိမိလက်မှတ်အားသိမ်းဆည်းပြီးဖြစ်ပါသည်။ Form A ၏ “Signature” နေရာကို Mouse နှိပ်ပြီး၊ လက်မှတ်အားဖြည့်သွင်းပါ။ Form B, Form C တွင်လည်းအလားတူအတိုင်း လက်မှတ်အားဖြည့်သွင်းပါ။

အချက်အလက်အားလုံးဖြည့်သွင်းပြီးပါကFile Name အား မိမိ “အမည်-Form”ဖြင့် ပြုလုပ်ပေးပါ။ (Eg: “MAUNGMAUNG-Form.PDF”)

(ထို FileအားJLPT Online Application Form တင်ရာတွင် Attached လုပ်ပေးရမည် ဖြစ်ပါသည်။)

※ပြည့်စုံမှုမရှိသော လျှောက်လွှာအားလက်ခံ၍ မရနိုင်ခြင်းများရှိနိုင်ပါသဖြင့်၊ လျှောက်လွှာပါ အချက်အလက်များကို မှန်ကန်သေချာစွာ ဖြည့်သွင်းပြင်ဆင်ထားပါရန် အသိပေးအပ်ပါသည်။

(၃) ID Card (သက်သေခံကဒ်ပြား) File ကို Online Application တင်ရာတွင် Upload လုပ်ရန်လိုအပ်ပါသော ကြောင့် File အား ပြင်ဆင်ထားရမည် ဖြစ်ပါသည်။ နိုင်ငံသားစိစစ်ရေးကဒ်ပြား၊ ယာဉ်မောင်းလိုင်စင်၊ ပတ်စပို့၊ ကျောင်းသားကဒ် (အစိုးရမူလတန်း၊ အလယ်တန်း၊ အထက်တန်းကျောင်း၊ တက္ကသိုလ်၊ ကောလိပ်များသာ) လက်ခံမည် ဖြစ်ပါသည်။ ID Card ၏ File Name အား စာမေးပွဲလျှောက်ထားသူ၏ “အမည်-ID ” ဖြင့် ပြုလုပ်ပေးပါ။ (Eg: “MAUNGMAUNG-ID.JPG”)

လျှောက်လွှာတင်ရာတွင် ပေးပို့ထားသည့် သက်သေခံကဒ်ပြားမူရင်းအား စာမေးပွဲဖြေဆိုသည့်နေ့တွင် ယူဆောင် လာရမည် ဖြစ်ပြီး၊ သက်သေခံကဒ်ပြားမူရင်း မပါသူသည် စာမေးပွဲ ဖြေဆိုခွင့် ရရှိမည် မဟုတ်ပါ။

(၄) Test Voucher တွင် ထည့်ပေးရန်အတွက် ဓာတ်ပုံကိုလည်း File ဖြင့် ပြင်ဆင်ထားရမည် ဖြစ်ပါသည်။ ဓာတ်ပုံသည် မျက်နှာကိုရှေ့တည့်တည့်မှရိုက်ထားရမည်ဖြစ်ပြီး၊ နောက်ခံ(Back Ground) သည် အရောင်တမျိုးတည်း ဖြစ်နေရပါမည်။ ဓာတ်ပုံFile Name အား မိမိ “အမည်-Photo”ဖြင့် ပြုလုပ်ပေးပါ။ (Eg: “MAUNGMAUNG-Photo.JPG”)

၆။ Online Application လျှောက်ထားခြင်း။

စာမေးပွဲဖြေဆိုခွင့် လျှောက်ထားသူများသည် မိမိဖြေဆိုမည့် အဆင့် (Level) နှင့် မြို့အလိုက် သက်ဆိုင်ရာ“JLPT Online Application Form”သို့ ဝင်ရောက်လျှောက်ထားရမည် ဖြစ်သည်။ JLPT Online Application Form Link အား အောက်ဖော်ပြပါ နေ့ရက်နှင့် အချိန်များတွင် MAJA Facebook Page တွင် ကြေငြာသွားပါမည်။

N1,N2 (Yangon + Mandalay) – ၂၃.၂.၂၀၂၂ မနက်၁၀:၀၀ နာရီ

N3 (Yangon + Mandalay) – ၂၄.၂.၂၀၂၂ မနက်၁၀:၀၀ နာရီ

N4 (Mandalay) – ၂၅.၂.၂၀၂၂ မနက်၁၀:၀၀ နာရီ

N4 (Yangon) – ၂၆.၂.၂၀၂၂ မနက်၁၀:၀၀ နာရီ

Online Application Form ပါအချက်အလက်များကိုဖြည့်စွက်ပြီး၊ အောက်ဆုံးတွင်ရှိသော Attachment တွင် မိမိအမည်ဖြင့် သိမ်းဆည်းထားသော JLPT Application Form 2022 ဖိုင်၊ ID Card (သက်သေခံကဒ်ပြား)ဖိုင် နှင့် ဓာတ်ပုံ ကို Upload လုပ်ပါ။

Online Application Form ပါ နေရာများအားလုံးကိုဖြည့်စွက်ပြီး၊ အထက်ဖော်ပြပါဖိုင် (၃) ခုအားUpload လုပ်ပြီးပါက “Submit” button ကိုနှိပ်ပြီးပါကဖောင်တင်ခြင်းပြီးဆုံးမည် ဖြစ်ပါသည်။

၇။ စာမေးပွဲကြေး ပေးသွင်းခြင်း

ပြည့်စုံမှန်ကန်စွာဖြည့်သွင်းထားသော လျှောက်လွှာများအတွက် စာမေးပွဲကြေးပေးသွင်းရမည့် သတ်မှတ်ရက် အသေးစိတ် ကို Level အလိုက် MAJA FB Page တွင် ထပ်မံ ကြေငြာ ပေးသွား ပါမည်။

စာမေးပွဲကြေးပေးသွင်းရာတွင် AYA (iBanking, Bank, Agent) , KBZ (Pay, iBanking, Bank, Agent) မှ တဆင့် အောက်ပါငွေပေးသွင်းခြင်းလမ်းညွှန် အတိုင်းပေးသွင်းရမည် ဖြစ်ပါသည်။ (ကြိုတင်ပြင်ဆင်နိုင်ပါရန် ဖော်ပြပေးထားပါသည်။)

<AYA>

https://drive.google.com/…/1j7ZLR8Q2XTPy5mjbRME…/view…

<KBZ>

https://drive.google.com/…/1x_nP…/view…

Online မှတဆင့် ငွေပေးသွင်းရန် အခက်အခဲရှိသူများအနေဖြင့် (ငွေပေးသွင်းရမည့်ကာလရောက်လျှင်)

ရန်ကုန် – 09-986 093 637၊ 09-980 446 834

မန္တလေး – 09-255 162 533 ဖုန်းသို့ ဆက်သွယ် နိုင်ပါသည်။

ငွေပေးသွင်းပြီး၍ ဖြေဆိုခွင့်ရရှိသည့် လျှောက်ထားသူများစာရင်းအား ကြေငြာပေးသွားမည်ဖြစ်ပြီး TestVoucher (စာမေးပွဲဖြေဆိုခွင့်ကဒ်ပြား) ကို Email မှတဆင့် (၁.၆.၂၀၂၂ မှ ၂၅.၆.၂၀၂၂ အတွင်း) ပေးပို့သွားပါမည်။

(စာမေးပွဲဖြေဆိုသည့်နေ့၊ စာမေးပွဲဖြေဆိုသည့် စာဖြေခန်းတွင် Test Voucher Copy နှင့် ID Card မူရင်းအား စစ်ဆေးပြီး Test Voucher မူရင်းအား ထုတ်ယူပေးမည် ဖြစ်ပါသည်။)

လျှောက်လွှာတင်ခြင်းနှင့်ပတ်သက်၍စုံစမ်းမေးမြန်းလိုပါက

မြန်မာနိုင်ငံဂျပန်ပြန်ပညာသင်ဟောင်းအသင်း(MAJA)

ရန်ကုန် – 09-428 756 746 ၊ 09-962 751 373

မန္တလေး – 09-255 162 533

ဖုန်းလက်ခံဖြေကြားချိန်။ တနင်္လာနေ့ မှ သောကြာနေ့ (နံနက် ၉:၃၀ မှ ၁၂:၀၀၊ နေ့လယ် ၁:၀၀ မှ ၄:၃၀)