ဤအစီအစဉ်များသည် ဂျပန်ဖောင်ဒေးရှင်းရုံးချုပ်မှ တိုက်ရိုက်စီမံခန့်ခွဲသော အစီအစဉ်များဖြစ်သည်။ ရုံးချုပ်မှ ပေးအပ်သော ထောက်ပံ့ကြေးအစီအစဉ်များသည် ဂျပန်ဖောင်ဒေးရှင်းရန်ကုန်မှ ပေးအပ်သော ထောက်ပံ့ကြေးအစီအစဉ်များထက် အမျိုးအစားအားဖြင့် ပိုမိုကျယ်ပြန့်ကာ ထောက်ပံကြေးငွေပမာဏမှာလည်း များပြားသည်။ သို့သော် တစ်နှစ်လျှင် တစ်ကြိမ် သို့မဟုတ် နှစ်ကြိမ်သာ လျှောက်လွှာခေါ်ယူလေ့ရှိသည်။
https://www.jpf.go.jp/e/program/

လျှောက်ထားမှုများကို ဂျပန်ဖောင်ဒေးရှင်း၏ အွန်လိုင်းမှလျှောက်ထားရမည့် ဝက်ဘ်ဆိုဒ်  (https://www.apply.jpf.go.jp)  မှ ၂၀၂၃ ခုနှစ် နိုဝင်ဘာလ ၃၀ ရက်နေ့၏ ဂျပန်စံတော်ချိန် နေ့လယ် ၁ နာရီ နောက်ဆုံးထား၍ ပေးပို့လျှောက်ထားနိုင်ပါသည်။ ဘာသာပြန်ခြင်းနှင့် ထုတ်ဝေခြင်းအတွက် ထောက်ပံ့သည့်အစီအစဉ်အတွက် လျှောက်ထားမှုမှာ ၂၀၂၃ ခုနှစ် နိုဝင်ဘာလ ၂၀ ရက်နေ့၏ ဂျပန်စံတော်ချိန် နေ့လယ် ၁ နာရီ နောက်ဆုံးထား၍ ပေးပို့လျှောက်ထားနိုင်ပါသည်။ ဂျပန်ဖောင်ဒေးရှင်းဂျပန်ရေးရာလေ့လာရေး Fellowship အစီအစဉ်နှင့် ဂျပန်ရေးရာလေ့လာရေးပရောဂျက်များအတွက် ထောက်ပံ့ခြင်းအစီအစဉ်အတွက် လျှောက်ထားမှုများကို၂၀၂၃ ခုနှစ် ဒီဇင်ဘာလ ၁ ရက်နေ့၏ ဂျပန်စံတော်ချိန် ညနေ ၃ နာရီနောက်ဆုံးထား၍ ပေးပို့လျှောက်ထားနိုင်ပါသည်။
※ဂျပန်ဖောင်ဒေးရှင်းရန်ကုန်ရုံးသို့ အီးမေးလ် သို့မဟုတ် စာရွက်စာတမ်းများပေးပို့လျှောက်ထားမှုများကို လက်ခံမည်မဟုတ်ပါ။

၁။ ယဉ်ကျေးမှုနှင့်အနုပညာဖလှယ်ရေး (ယဉ်ကျေးမှု)

 (၁) ပြည်ပပြပွဲများအားထောက်ပံ့ခြင်းအစီအစဉ်

ဤအစီအစဉ်သည် ဂျပန်အနုပညာနှင့်ယဉ်ကျေးမှုများကို နိုင်ငံရပ်ခြားရှိ ပရိသတ်များထံသို့ မိတ်ဆက်ပေးသော ပြပွဲများအား စီစဉ်ကျင်းပသည့် ပြည်ပအနုပညာပြတိုက်များနှင့် အနုပညာအဖွဲ့အစည်းများအတွက် ထောက်ပံ့ကြေးငွေပေးအပ်သည့် အစီအစဉ်ဖြစ်သည်။ ထို့အပြင် ဤအစီအစဉ်သည် ဂျပန်အနုပညာရှင်များနှင့် ၎င်းတို့၏လက်ရာများကို မိတ်ဆက်ပေးသည့် ၂ နှစ် ၁ ကြိမ်၊ ၃ နှစ် ၁ ကြိမ် ပြုလုပ်သော ပြည်ပရှိ နိုင်ငံတကာပြပွဲများအား ထောက်ပံ့ပေးရန် ရေးဆွဲထားခြင်းဖြစ်သည်။

 (၂)  ဘာသာပြန်ဆိုခြင်းနှင့် ထုတ်ဝေခြင်းအတွက် ထောက်ပံ့ခြင်းအစီအစဉ်

ဤအစီအစဉ်သည် ဂျပန်ဘာသာဖြင့်ရေးသားထားသော စာအုပ်များအား ဘာသာပြန်ဆိုခြင်း နှင့်/သို့မဟုတ် ထုတ်ဝေခြင်းပြုလုပ်မည့် ပြည်ပမှ စာပေထုတ်ဝေသူများအတွက် ထောက်ပံ့ကြေးတစ်စိတ်တစ်ပိုင်း ပေးအပ်သည့် အစီအစဉ်ဖြစ်သည်။ ဤအစီအစဉ်သည် ပြည်ပမှစာပေထုတ်ဝေသူများ ဂျပန်စာပေများကို ဘာသာပြန်ဆိုပြီး ထုတ်ဝေခြင်းအားဖြင့် ဂျပန်အကြောင်းကို ပိုမိုနားလည်သဘောပေါက်လာစေရန် ရည်ရွယ်ပါသည်။ ဤထောက်ပံ့ကြေးသည် ဘာသာပြန်ကုန်ကျစရိတ် နှင့်/သို့မဟုတ် ထုတ်ဝေစရိတ် ( ဥပမာအားဖြင့် စက္ကူ၊ စာစီစာရိုက်၊ ပရင့်ထုတ်ခြင်း နှင့် စာအုပ်ချုပ်ခြင်း ) များအတွက် အကျုံးဝင်သည်။ လျှောက်ထားသူများသည် “ ဘာသာပြန်ဆိုခြင်းသာ”၊ “ထုတ်ဝေခြင်းသာ”၊ “ဘာသာပြန်ဆိုခြင်းနှင့်ထုတ်ဝေခြင်း” စသည်တို့အနက်မှ တစ်ခုအား ရွေးချယ်လျှောက်ထားနိုင်သည်။

 (၃) ဂျပန်အနုပညာဆိုင်ရာသုတေသနများအတွက် အိရှိဘရှိ ဖောင်ဒေးရှင်း / ဂျပန်ဖောင်ဒေးရှင်း Fellowship (တစ်ဦးချင်းလျှောက်ထားသူများသာ)

ဤအစီအစဉ်သည် Japanese visual arts ကို အထူးပြုလေ့လာနေသည့် ပညာရှင်များ၏ တိုးတက်မှုအတွက် ထောက်ပံ့ပေးရန်ရည်ရွယ်ချက်ဖြင့် နိုင်ငံရပ်ခြားမှ သုတေသီများနှင့် ပြတိုက်မှူးများအား ဂျပန်နိုင်ငံတွင် သုတေသနပြုလုပ်နိုင်မည့် အခွင့်အလမ်းများ ပေးအပ်သည့် အစီအစဉ်ဖြစ်ပါသည်။ ဤသို့ ထောက်ပံ့ပေးခြင်းဖြင့် ဂျပန်ပြည်ပတွင် ဂျပန်အနုပညာများ မိတ်ဆက်ခြင်းနှင့် လေ့လာမှုုများအား မြှင့်တင်ဆောင်ရွက်နိုင်ရန်ရည်ရွယ်ပါသည်။ ဤ Fellowship ကို အိရှိဘရှိဖောင်ဒေးရှင်းမှ ထောက်ပံ့မှုနှင့် ဂျပန်ဖောင်ဒေးရှင်းမှ အကောင်အထည်ဖော်ခြင်းဖြစ်ပါသည်။

၂။ နိုင်ငံရပ်ခြားရှိ ဂျပန်ဘာသာသင်ကြားရေး

 (၁) ဂျပန်ဘာသာသင်ကြားရေးကို ပြုလုပ်လျက်ရှိသော အဖွဲ့အစည်းများအတွက် ထောက်ပံ့ခြင်း (ထောက်ပံ့ကြေးပေးအပ်ခြင်း)

ဤအစီအစဉ်သည် နိုင်ငံရပ်ခြားရှိ ဂျပန်စာသင်ကျောင်းများ၊ အဖွဲ့အစည်းများမှ ဂျပန်ဘာသာသင်ဆရာများ နှင့် ကျောင်းသားများအတွက် ရည်ရွယ်သည့် ဂျပန်ဘာသာသင်ကြားရေး အစီအစဉ်များအတွက် ထောက်ပံ့ခြင်းဖြစ်သည်။

 (၂) ဂျပန်ဘာသာသင်ဆရာများအတွက် သင်တန်းအစီအစဉ်များ 

The Japan Foundation Japanese-Language Institute, Urawa (JFJLI, Urawa) သည် ဂျပန်နိုင်ငံ (စိုင်းတမခရိုင်) တွင် ဂျပန်ဘာသာသင်ကြားရေးနည်းလမ်းဆိုင်ရာ သင်တန်းအခွင့်အလမ်းများ သို့မဟုတ် ဂျပန်နိုင်ငံပြင်ပရှိ ဂျပန်ဘာသာစကားကို သင်ကြားနေသည့် ဂျပန်ဘာသာသင်ဆရာများအတွက် အွန်လိုင်သင်တန်းများကို စီစဉ်ဆောင်ရွက်လျက်ရှိသည်။ အစီအစဉ်တစ်ခုချင်းစီ၏ သတ်မှတ်စံနှုန်းများ၊ အချိန်ကာလ နှင့် အကြောင်းအရာများမှာ ကွဲပြားသည်။

— ဂျပန်ဘာသာသင်ဆရာများအတွက် အခြေခံသင်တန်းအစီအစဉ်

ဤအစီအစဉ်သည် လုပ်သက်နုသေးသော ဂျပန်ဘာသာသင်ဆရာများအား ဂျပန်ဘာသာစကားစွမ်းရည်နှင့် လိုအပ်သောသင်ကြားရေးနည်းလမ်းများကို မြှင့်တင်နိုင်ရန်နှင့် ဂျပန်နိုင်ငံအကြောင်းကို ပိုမိုနက်ရှိုင်းစွာ သိရှိနားလည်နိုင်မည့် အခွင့်အလမ်းကိုပေးအပ်သည့် ၆ လကြာ သင်တန်းအစီအစဉ်ဖြစ်သည်။

— ဂျပန်ဘာသာသင်ဆရာများအတွက် ဂျပန်ဘာသာသင်ကြားရေး အစီအစဉ်

ဤအစီအစဉ်သည် ဂျပန်ဘာသာသင်ဆရာတစ်ယောက်တွင် မရှိမဖြစ်လိုအပ်သော ဂျပန်ဘာသာစွမ်းရည်အား မြှင့်တင်နိုင်မည့် အခွင့်အလမ်းကို ပေးအပ်သည့် ၆ ပတ်ကြာ သင်တန်းအစီအစဉ်ဖြစ်သည်။ဂျပန်ဘာသာသင်ကြားရေးနည်းလမ်းများနှင့်ပတ်သက်သည့် သင်ခန်းစာများ ပါဝင်မည်မဟုတ်ပါ။

— ဂျပန်ဘာသာသင်ဆရာများအတွက် ဂျပန်ဘာသာသင်ကြားရေးနည်းလမ်း အစီအစဉ်

ဤအစီအစဉ်သည် သင်ကြားရေးနည်းလမ်းများကို တိုးတက်စေနိုင်သည့် အခွင့်အလမ်းကိုပေးအပ်သည့် ၆ ပတ်ကြာ သင်တန်းအစီအစဉ်ဖြစ်သည်။ ဤအစီအစဉ်ကို ၂၀၂၄ ဘဏ္ဍာရေးနှစ်အတွင်း နှစ်ကြိမ်ပြုလုပ်မည်ဖြစ်သည်။ ဂျပန်ဘာသာစွမ်းရည်တိုးတက်ရန်အတွက် သင်ခန်းစာများ ပါဝင်မည်မဟုတ်ပါ။

— ကျွမ်းကျင်လုပ်သားစနစ်ဖြင့် ဂျပန်နိုင်ငံသို့လာရောက်လိုသူများအား ဂျပန်စာသင်ကြားပေးနေသောဆရာ၊ ဆရာမအတွက် ဂျပန်ဘာသာသင်ကြားရေးနည်းလမ်းအစီအစဉ်

ဤအစီအစဉ်သည် ကျွမ်းကျင်လုပ်သားစနစ်ဖြင့် ဂျပန်နိုင်ငံသို့လာရောက်လိုသူများအား ဂျပန်စာသင်ကြားပေးနေသောလုပ်ငန်းစဉ်များကို ထောက်ပံ့လိုသောရည်ရွယ်ချက်ဖြင့် ဂျပန်ဘာသာစကားကိုသင်ကြားနေသော အဖွဲ့အစည်းမှ ဆရာ၊ ဆရာမများ ဂျပန်ဘာသာသာသင်ကြားမှုစွမ်းရည်မြင့်မားလာစေရန်နှင့် ဂျပန်အကြောင်းအရာ၊ လူမှုယဉ်ကျေးမှုတို့အား နားလည်မှုနက်နဲလာစေရန်သင်ကြားပေးသော ၄ ပတ်ကြာသင်တန်းအစီအစဉ်ဖြစ်သည်။

— ယဉ်ကျေးမှုနှင့် ပညာရေးနယ်ပယ်ရှိ ပညာရှင်များအတွက် ထောက်ပံ့ခြင်း အစီအစဉ် (တစ်ဦးချင်းလျှောက်ထားသူများသာ)

သုတေသီများ၊ ဘွဲ့လွန်ကျောင်းသားများ၊ စာကြည့်တိုက်မှူးများ၊ ပြတိုက်နှင့်အနုပညာပြတိုက်မှူးများ စသည့် မိမိတို့၏ အထူးပြုပညာရပ်များနှင့် သုတေသနလုပ်ရှားဆောင်ရွက်မှုများ အဆင်ပြေချောမွေ့ရန်အတွက် ဂျပန်ဘာသာကျွမ်းကျင်မှုလိုအပ်သော ပညာရှင်များအား ထောက်ပံ့ရန်ရည်ရွယ်ချက်ဖြင့် ဤအစီအစဉ်သည် သက်ဆိုင်ရာအထူးပြုပညာရပ်များအတွက် အံဝင်ခွင်ကျဖြစ်မည့် သင်ရိုးများဖြင့် ပညာရပ်ဆိုင်ရာ လက်တွေ့အသုံးချ ဂျပန်ဘာသာစကားကို ကျွမ်းကျင်ပိုင်နိုင်စေရန် The Japanese-Language Institute, Kansai တွင် လေ့ကျင့်သင်ကြားပေးမည်ဖြစ်သည်။

၃။ ပြည်ပဂျပန်ရေးရာလေ့လာရေးနှင့် နိုင်ငံတကာဆွေးနွေးခြင်း  (အပြန်အလှန်ဆွေးနွေးခြင်း)

 (၁) ဂျပန်ဖောင်ဒေးရှင်းဂျပန်ရေးရာလေ့လာရေး Fellowship အစီအစဉ် (တစ်ဦးချင်းလျှောက်ထားသူများသာ)

ဤအစီအစဉ်သည် ဂျပန်နိုင်ငံပြင်ပတွင် ဂျပန်ရေးရာလေ့လာရေးကို မြှင့်တင်ရန်ရည်ရွယ်ချက်ဖြင့် ဂျပန်ရေးရာလေ့လာရေး ပညာရှင်များနှင့် သုတေသီများအား ဂျပန်နိုင်ငံသို့ လာရောက်သုတေသနပြုလုပ်နိုင်မည့် အခွင့်အလမ်းကို ပေးအပ်သည့် အစီအစဉ်ဖြစ်သည်။ သဘာဝသိပ္ပံပညာ၊ ဆေးသိပ္ပံပညာ၊ အင်ဂျင်နီယာ စသည့်နယ်ပယ်များမှ ကျွမ်းကျင်သူများ မပါဝင်ပါ။ ဤအစီအစဉ်တွင် (၁) ပညာရှင်နှင့် သုသေတနပညာရှင်များအားထောက်ပံ့ခြင်း (ကာလရှည်) ၊ (၂) ပညာရှင်နှင့် သုသေတနပညာရှင်များအားထောက်ပံ့ခြင်း (ကာလတို) နှင့် ပါရဂူဘွဲ့စာတမ်းပြုစုခြင်းအားထောက်ပံ့ခြင်း ဟူ၍ အမျိုးအစား (၃) မျိုး ရှိပါသည်။

 (၂) ဂျပန်ရေးရာလေ့လာရေးပရောဂျက်များအတွက် ထောက်ပံ့ခြင်းအစီအစဉ်

ဤအစီအစဉ်သည် ဂျပန်နိုင်ငံပြင်ပတွင် ဂျပန်ရေးရာလေ့လာရေးကို မြှင့်တင်ရန် ရည်ရွယ်ချက်ဖြင့် ဂျပန်နိုင်ငံပြင်ပရှိ နိုင်ငံရပ်ခြားအဖွဲ့အစည်းများမှ အကောင်အထည်ဖော်သည့် အမျိုးအမျိုးသော ဂျပန်ရေးရာလေ့လာရေး ပရောဂျက်များအား ထောက်ပံ့ခြင်း ပေးအပ်သည့်အစီအစဉ်ဖြစ်သည်။