【ဂျပန်ဘာသာစကား သီးခြားစွမ်းရည် သင်ကြားရေးနည်းစနစ်သင်တန်း ဖွင့်လှစ်မည်ဖြစ်ကြောင်း အသိပေးခြင်း】

• Jan 31, 2026 ~ Mar 28, 2026
• 9：30～12：30
• The Japan Foundation, Yangon
  
  No.70 Nat Mauk Lane (1), Bahan Township, Yangon

ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာ (JFYG)မှ ကျင်းပပြုလုပ်လျက်ရှိသော Seminar နှင့် ဆွေးနွေးပွဲများတွင် စဉ်ဆက်မပြတ်ပါဝင်ပေးကြသူအားလုံးကို ကျေးဇူးအထူးတင်ရှိပါတယ်။ မကြာမီအချိန်မှာ “အဖတ်စွမ်းရည်ကို သင်ကြားပေးမယ်” ဆိုတဲ့ ခေါင်းစဉ်နဲ့ သီးခြားစွမ်းရည် သင်ကြားရေးနည်းစနစ်သင်တန်းကို ဖွင့်လှစ်မှာဖြစ်ပါတယ်။

ယခုတစ်ခါသင်တန်းမှာတော့ ဂျပန်စာအလယ်တန်းအဆင့်နှင့် အထက်ရှိသော ကျောင်းသားများရဲ့ “အဖတ်စွမ်းရည်”ကို မြှင့်တင်ပေးဖို့ရန်အတွက် အဖတ်စွမ်းရည်သင်ကြားရာမှာ သတိထားသင့်တဲ့ အချက်များ၊ ချက်ချင်းအသုံးချနိုင်သော လှုပ်ရှားမှုများကို လက်တွေ့ကျကျ လေ့လာသွားမှာဖြစ်ပါတယ်။

”အဖတ်စွမ်းရည်သင်ကြားခြင်း” လို့ပြောလိုက်တဲ့အခါမှာ ခက်ခဲမယ့်ပုံပဲ၊ မိမိသာဆိုရင် မလုပ်နိုင်လောက်ဘူး လို့ ခံစားရတဲ့သူတွေလည်း ရှိမယ်လို့ထင်ပါတယ်။ ဒီအတန်းမှာတော့ အဖတ်စွမ်းရည်သင်တန်းကို တစ်ခါမှမတက်ဖူးတဲ့ ဆရာများအတွက်လည်း နားလည်လွယ်တဲ့အကြောင်းအရာများကို ထည့်သွင်းထားတာဖြစ်တဲ့အတွက် မစိုးရိမ်ဘဲ ရဲရဲသာပါဝင်လိုက်ဖို့ ဖိတ်ခေါ်လိုက်ပါတယ်။

စာသင်သားတို့ရဲ့ ဂျပန်စာလောကကို ကျယ်ပြန့်လာစေမယ့် ခြေတစ်လှမ်းကို အဖတ်စွမ်းရည်သင်တန်းမှတဆင့် စလှမ်းကြည့်ကြပါစို့လား။ စိတ်ဝင်စားတဲ့ ဆရာ၊ ဆရာမများအားလုံးအနေဖြင့် ဒီအခွင့်အရေးကို လက်လွှတ်မခံဘဲ လျှောက်ထားပေးဖို့ တိုက်တွန်းလိုပါတယ်။ အားလုံးကို နွေးထွေးစွာ စောင့်ကြိုနေပါမယ်။

 

■သင်တန်းအမည်： ဂျပန်ဘာသာ သီးခြားစွမ်းရည် သင်ကြားမှုနည်းစနစ်သင်တန်း

■ခေါင်းစဉ်：အဖတ်စွမ်းရည်ကို သင်ကြားပေးမယ်

■အကြောင်းအရာ：စာဖတ်ခြင်း၏ နည်းလမ်းများနှင့် ဗျူဟာများကို လေ့လာရင်း ဂျပန်စာအလယ်တန်းအဆင့်နှင့်အထက် ကျောင်းသားများအတွက် ရည်ရွယ်သော အဖတ်စွမ်းရည်သင်တန်းကို ဖန်တီးခြင်းနှင့် လက်တွေ့သင်ကြားခြင်း

■သင်တန်းကာလ：

၂၀၂၆ ခုနှစ် ဇန်နဝါရီလ ၃၁ရက် (စနေ) မှ ၂၀၂၆ ခုနှစ် မတ်လ ၂၈ရက် (စနေ) အထိ

စုစုပေါင်း (၉) ကြိမ်၊ အပတ်စဉ် စနေနေ့တိုင်း၊ မနက် ၉နာရီခွဲမှ နေ့လည် ၁၂နာရီခွဲ (နားချိန် ၁၅မိနစ်ပါဝင်ပါသည်)

ဇန်နဝါရီလ ၃၁ရက်၊ ဖေဖော်ဝါရီလ ၇ရက်၊ ဖေဖော်ဝါရီလ ၁၄ရက်၊ ဖေဖော်ဝါရီလ ၂၁ရက်၊ ဖေဖော်ဝါရီလ ၂၈ရက်၊ မတ်လ ပထမအပတ်၊ မတ်လ ၁၄ရက်၊ မတ်လ ၂၁ရက်၊ မတ်လ ၂၈ရက်

＊မတ်လ ပထမအပတ် – တာဝန်ခံဆရာမနှင့် အဖွဲ့ဝင်များမှ သင့်လျော်သောအချိန်ကို ဆုံးဖြတ်ပါမည်။

■နေရာ：

ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာ（The Japan Foundation, Yangon）

အမှတ် ၇၀, နတ်မောက်လမ်းသွယ် (၁)၊ ဗဟန်းမြို့နယ်၊ ရန်ကုန်မြို့

https://maps.app.goo.gl/QwUwnFms7dwBZzGw8

အနီးဆုံး ဘတ်စ်ကားမှတ်တိုင် – ဗျိုင်းရေအိုးစင်မှတ်တိုင်

ဘတ်စ်ကားအမှတ် 43, 64, 80

■သင်တန်းကြေး：အခမဲ့

■ လျှောက်ထားရန် သတ်မှတ်ချက်များ：

①JLPT N2နှင့်အထက် အောင်မြင်ထားသူများ (လျှောက်လွှာတင်သွင်းပြီးနောက်တွင် တာဝန်ခံမှ ဖုန်းဖြင့်ဆက်သွယ်ပြီး ဂျပန်ဘာသာစကားအရည်အချင်းနှင့် သင်ယူလေ့လာလိုသည့် ရည်ရွယ်ချက်ကို မေးမြန်းသွားမည်ဖြစ်ပါသည်)

②ဂျပန်ဘာသာစကားသင်ကြားရေးအတွေ့အကြုံ အနည်းဆုံး ၁နှစ်နှင့်အထက်ရှိသူ

③သင်တန်းပြီးဆုံးပြီး‌နောက် ၁နှစ်တာကာလအတွင်း မြန်မာနိုင်ငံ၌ ဆက်လက်နေထိုင်ပြီး သင်ကြားပေးနိုင်မည့်သူ၊ နိုင်ငံခြားသို့ သွားရောက်ရန် အစီအစဉ်မရှိသူများ၊ (JF မှ စေလွှတ်သော သင်တန်းများမပါဝင်ပါ)

④ သင်တန်း ၉ ကြိမ် တက်ရောက်နိုင်သူများ (၈ကြိမ်နှင့်အထက် တက်ရောက်သူများကို သင်တန်းဆင်းလက်မှတ် ပေးအပ်သွားမည်ဖြစ်ပါသည်)

■ကန့်သတ်လူဦးရေ：၁၆ ဦး

■ဖတ်စာအုပ်：သင်တန်းဆရာမှ ပြင်ဆင်ထားသော စာရွက်စာတမ်းများ

■သင်တန်းဆင်းလက်မှတ်：သင်တန်း ၉ ကြိမ်တွင် ၈ကြိမ်နှင့်အထက် တက်ရောက်ပြီး နောက်ဆုံးစစ်တမ်းကို ဖြေဆိုပြီးသူများကို ပေးအပ်သွားပါမည်။

■လျှောက်ထားရန်：အောက်ပါ URLမှတဆင့် လျှောက်ထားနိုင်ပါသည်။

https://forms.office.com/r/PAf4L2dHnV

■လျှောက်လွှာဖောင်ပိတ်ရက်：၂၀၂၆ ခုနှစ် ဇန်နဝါရီလ ၂၁ရက် (ဗုဒ္ဓဟူး) နေ့လည် ၁၂နာရီ

■တက်ရောက်ခွင့်ရသူများအား အကြောင်းကြားခြင်း：၂၀၂၆ခုနှစ် ဇန်နဝါရီလ ၂၆ရက် (တနင်္လာ) မနက်ပိုင်း

■စုံစမ်းမေးမြန်းရန်：ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာ

Email nihongo.jfyg@jpf.go.jp

ဖုန်း  09-891055553

တာဝန်ခံ KD Sunday Seng Htoi Khawn Taung

တနင်္လာနေ့မှ သောကြာနေ့အထိ（9：30-15：30）ရုံးချိန်အတွင်း ဆက်သွယ်မေးမြန်းနိုင်ပါသည်။