Saturday Yoke Shin

• Sep 21, 2019
• 2 pm - 4 pm
• The Japan Foundation, Yangon
  No.70, Nat Mauk Lane (1), Bahan Township, Yangon

စက်တင်ဘာလ၏ Saturday Yoke Shin အတွက် ဂျပန်အန်နီမေးရှင်းဇာတ်ကားကောင်းတစ်ကားကို ရွေးချယ်ထားပါတယ်။ Five centimeters per second နဲ့ Voices of a distant star ဆိုတဲ့ animation ဇာတ်ကားတွေကို သိကြမယ်ထင်ပါတယ်။ ထိုဇာတ်ကားတွေကို ရေးသားရိုက်ကူးခဲ့တဲ့ ဒါရိုက်တာ ရှင်းခိုင် မာကိုတို (Shinkai Makoto) က ၂ဝ၁၁ မှာ ရိုက်ကူးခဲ့တဲ့ Children Who Chase Lost Voices Hoshi o ou kodomo（星を追う子どもဆိုတဲ့ ဇာတ်ကားကို ပြသသွားမှာဖြစ်ပါတယ်။ Adventure ၊ Fantasy ဇာတ်ကားဖြစ်ပြီး လူသုံးယောက် ဒဏ္ဍာရီလာနယ်မြေသို့ ခရီးဆက်ခဲ့ကြပုံကို တွေ့မြင်ကြရမှာဖြစ်လို့ အားလုံးကို လာရောက်ကြည့်ရှုကြဖို့ ဖိတ်ခေါ်အပ်ပါတယ်။

ဇာတ်လမ်းအကျဉ်း
တစ်နေ့သောအခါ အဆုန အမည်ရှိ မိန်းကလေးတစ်ဦးသည် သူမ၏ ဖန်ရေဒီယိုမှတစ်ဆင့် သူမ၏ဖခင်ကို အမှတ်ရစေသည့် ထူးဆန်းသော သီချင်းတစ်ပုဒ်ကို ကြားလိုက်ရသည်။ သီချင်းမှာ တစ်စုံတစ်ယောက်၏ နှလုံးသားမှတစ်ဆင့် ထွက်လာသည်ဟု ထင်ရလောက်အောင် သူမ၏ စိတ်တွင် မေ့မရနိုင်ခဲ့ပေ။
အဆုန သည် သူမအကြိုက်ဆုံး တောင်ပေါ်ရှိ ပုန်းခိုရာနေရာသို့သွားစဉ် ထူးဆန်းသော သားရဲကြီးတစ်ကောင်၏ တိုက်ခိုက်ခြင်းကိုခံခဲ့ရပြီး ရွှန်း အမည်ရှိလူရွယ်တစ်ယောက်က သူမကို ကယ်တင်ခဲ့သည်။ ရွှန်းသည် “Agartha” ဟုခေါ်သည့် ဝေးလံသော တိုင်းပြည်မှလာပြီး အဆုနရှိရာ မြို့ကိုလာခဲ့ခြင်းမှာ တစ်စုံတစ်ယောက်ကိုတွေ့ရန်နှင့် တစ်စုံတစ်ခုကို လာရှာလိုသောကြောင့်ဖြစ်သည်။
အဆုနနှင့် ရွှန်းတို့သည် ရင်းနှီးသွားကြပြီး သူတို့၏ ခံစားချက်များကို ဖွင့်ဟခဲ့ပြီးချိန်တွင် ရွှန်းသည် ရုတ်တစ်ရက် ပျောက်ကွယ်သွားပြီး ရှာ၍မတွေ့နိုင်တော့ပေ။ ထိုအဖြစ်ဆိုးကို လက်မခံနိုင်သော်လည်း တစ်နေ့တွင် ကျောင်း၌ သူမ၏ အတန်းပိုင်ဆရာမထံမှ ဒဏ္ဍာရီလာ မြေအောက်ကမ္ဘာမှ ရွှန်းတို့နေထိုင်ရာ “Agartha” ဟုခေါ်သော နိုင်ငံအကြောင်းကို သိလိုက်ရသည်။ Agartha သည် ကမ္ဘာ့လျို့ဝှက်ချက်များကို ထိန်းသိန်းထားသောနေရာဖြစ်ပြီး မည်သူ၏ ဆုတောင်းမဆို ပြည့်သောနေရာဖြစ်သည်။
တစ်နေ့တွင် အဆုနသည် သံသယဖြစ်ဖွယ် လူတစုကလိုက်ဖမ်း၍ ထွက်ပြေးလာစဉ် ရွှန်းနှင့် ရုပ်တူသော ကောင်လေးတစ်ယောက်ကို တွေ့လိုက်ရသည်။ ထိုလူများသည် ကောင်လေးထံမှ Clavis ဟုခေါ်သည့် Agartha တိုင်းပြည်ကိုဝင်ရန် သော့ချောင်းကို လိုက်ရှာနေကြခြင်းဖြစ်သည်။ အဆုနနှင့် ရွှန်းတို့သည် ထွက်ပြေးကြရင်း ချောင်တစ်ခုတွင် ပိတ်မိသွားသောအခါ Agartha သို့ဝင်ရန်ဂိတ်ပေါက်သည် ရုတ်တစ်ရက်ပွင့်လာသည်။ ထိုအချိန်တွင် အဆုနသိလိုက်ရသည်မှာ ထိုလိုက်ဖမ်းနေသောသူများ၏ ခေါင်းဆောင်သည် အဆုန၏ အတန်းပိုင်ဆရာ Mr. Morisaki ဖြစ်ပြီး သူသည် ဆုံးပါးသွားသော သူ၏မိန်းမနှင့် ပြန်လည်ဆုံစည်းနိုင်ရန်အတွက် Agartha မြို့ကို လိုက်ရှာနေခြင်းဖြစ်သည်။ ထို့ပြင် သူမ တွေ့ခဲ့သော ကောင်လေးသည် ရွှန်း၏ ညီ Shin ဖြစ်နေသည်။
Agartha မြို့၏ဝင်ပေါက်ကို မျက်ဝါးထင်ထင်တွေ့လိုက်ရသောအခါ အဆုနသည် ရွှန်းကိုရှာရန် သူမ၏စိတ်ကို ဆုံးဖြတ်ချက်ချလိုက်သည်။
ဤသို့ဖြင့် အဆုန၊ Mr. Morisaki နှင့် Shin တို့သည် ရည်မှန်းချက်ကိုယ်စီနှင့် ဒဏ္ဍာရီလာနယ်မြေသို့ ခြေချခဲ့ကြသည်။