မြန်မာပြည်အနောက်မြောက်ပိုင်းဒေသ၊ အိန္ဒိယနိုင်ငံနယ်စပ်တစ်လျှောက် နေထိုင်ကြတဲ့ နာဂလူမျိုး။ ကြမ်းတမ်းတဲ့ပထဝီမြေမျက်နှာပြင်အနေအထားနဲ့ ရှုပ်ထွေးလှတဲ့ နိုင်ငံရေးနောက်ခံတွေကြောင့်  သူတို့တွေနေထိုင်ရာ တောင်တန်းဒေသဆီ ဝင်ထွက်သွားလာဖို့ အချိန်အတော်ကြာ တားမြစ်ထားခြင်း ခံခဲ့ရပါတယ်။ သူတို့ထဲကအများစုက နက်ရှိုင်းတဲ့တောတောင်တွေထဲမှာ ကိုယ်ပိုင်အသက်မွေး ဝမ်းကျောင်းမှုတွေနဲ့ ရှင်သန်နေထိုင်ကြတယ်။ ၂၀၁၆ခုနှစ် ဖေဖော်ဝါရီလမှ မတ်လအတွင်း နာဂလူမျိုး စုတွေ တီးခတ်တဲ့ ဂီတသံစဉ်တွေကို မှတ်တမ်းတင်ရင်း သူတို့ရွာတွေကို သွားရောက်လည်ပတ်ခဲ့ ပါတယ်။ အဲ့ဒီရွာတွေထဲကတစ်ခုဖြစ်တဲ့ ဆပလိုရွာမှာ ရှေးကတည်းက နာဂလူမျိုးစုတွေ လက်ဆင့်ကမ်း လာတဲ့ သစ်သားစည်ကြီး  ပြုလုပ်တာကို မြင်တွေ့ခွင့်ရခဲ့ပါတယ်။ တဖြည်းဖြည်းနဲ့ ပျောက်ကွယ်  သွားတော့မယ့် ဒီယဉ်ကျေးမှုကို လူအများဆီ အမှတ်တရအဖြစ် ချန်ထားခဲ့ချင်စိတ်ဖြစ်မိတဲ့အတွက် ဒီမှတ်တမ်းကို ဖန်တီးခဲ့ခြင်းဖြစ်ပါတယ်။

ဂျပန်နှင့်အခြားနိုင်ငံများ၏ ဂီတဖန်တီးမှုတွင် အသံဖမ်းအင်ဂျင်နီယာအဖြစ် ပါဝင်ဆောင်ရွက်ခဲ့သည်။ ဂီတပညာရှင်တို့၏ကိုယ်ပိုင်လက်ရာများ၊ ကြော်ငြာများ၊ ရုပ်ရှင်နှင့်ပြဇာတ်နောက်ခံတေးဂီတများ စသည့် အမျိုးမျိုးသောဖန်တီးမှုများတွင် ပူးပေါင်းပါဝင်ခဲ့သည်။ ၂၀၁၆ခုနှစ်တွင် ဂျပန်ဖောင်ဒေးရှင်း၏ ပရောဂျက်အဖြစ် သွားရောက်လည်ပတ်ခဲ့သည့် နာဂဒေသတွင်နေထိုင်ကြသည့် နာဂလူမျိုးများအား စိတ်ဝင်စားမှု ဖြစ်ခဲ့ရာမှ ၎င်းနောက်တွင် နာဂလူမျိုးတို့၏ တစ်မူထူးခြားသော ယဉ်ကျေးမှုများကို မှတ်တမ်းတင်ခြင်း များ ပြုလုပ်လျက်ရှိသည်။