🧸ယနေ့ဂျပန်ကစားစရာအရုပ်များ “ OMOCHA: Japanese Toys Today” ကမ္ဘာလှည့်ပြပွဲ 🪀

• Mar 11, 2026 ~ Mar 25, 2026
• 9:30～15:30
• 国際交流基金ヤンゴン日本文化センター
  The Japan Foundation, Yangon
  (No. 70, Nat Mauk Lane 1, Bahan Township)

ကလေးကစားစရာအရုပ်တွေဟာ လူသားတိုင်း မဖြစ်မနေဖြတ်သန်းလာရတဲ့ ကလေးငယ်ဘဝမှာ စိတ်ပိုင်းဆိုင်ရာ၊ ကာယပိုင်းဆိုင်ရာ ဖွံ့ဖြိုးမှုအတွက် အရေးပါတဲ့ အရာတွေဖြစ်ပါတယ်။ ဂျပန်နိုင်ငံမှာ ရှေးယခင်ကပင် ကလေးကစားဖို့ ရည်ရွယ်ဖန်တီးထားတဲ့အရုပ်တွေ၊ အလှပြအရုပ်နဲ့ မကောင်းတဲ့ မိစ္ဆာတွေဆီကနေ အကာအကွယ်ပေးတဲ့ အရုပ် စသဖြင့် အမျိုးအစားစုံလင်စွာ ဖန်တီးခဲ့ကြပြီး အဲဒိုခေတ် (၁၇ ရာစု – ၁၉ ရာစု) ပတ်ဝန်းကျင်ကနေ စတင်ကာ ကစားစရာ အရောင်းဈေးကွက်ရယ်လို့ ပီပီပြင်ပြင် ပေါ်ထွန်းလာခဲ့တာ ယနေ့တိုင်ပါပဲ။

 

ဒီနေ့ခေတ်မှာ ဂျပန်နိုင်ငံထုတ် ကလေးကစားစရာတွေအနက် မျိုးဆက်ပေါင်းများစွာ တည်တံ့နေတဲ့ အမှတ်တံဆိပ်တွေ၊ အမျိုးအစားတွေ ရှိနေပြီး တမူထူးခြားတဲ့ ယဉ်ကျေးမှုတစ်ခု ဆိုရင်လည်း မမှားပါဘူး။ ဂျပန်နိုင်ငံရဲ့ မျက်မှောက်ခေတ် ကစားစရာတွေကို စုံလင်စွာနဲ့ ပျော်ပျော်ရွှင်ရွှင် လေ့လာနိုင်ဖို့ “ OMOCHA: Japanese Toys Today” ဆိုတဲ့ ပြပွဲကို ဂျပန်ဖောင်ဒေးရှင်း၊ ရန်ကုန် ဂျပန်ယဉ်ကျေးမှုစင်တာ (JFYG)မှ စီစဉ်ပြသသွားမှာ ဖြစ်ပါတယ်။

 

မည်သူမဆို အခမဲ့ လာရောက်လေ့လာနိုင်မယ့် “ OMOCHA: Japanese Toys Today” ပြပွဲကို ၂၀၂၆ ခုနှစ် မတ်လ ၁၁ ရက်နေေေ့ (ဗုဒ္ဓဟူးနေ့)ထ မှ စတင်ပြီး မတ်လ ၂၅ ရက်နေေ့ (ဗုဒ္ဓဟူးနေ့)ထိ သုံးပတ်ကြာအောင် ပြသသွားမှာပါ။ ပြပွဲဝင်ကြေး အခမဲ့ဖြစ်တဲ့အပြင် ပုံမှန်လာရောက်ကြည့်ရှုဖို့အတွက် ကြိုတင်စာရင်းပေးစရာလည်း မလိုပါဘူး။ ပြပွဲနဲ့ ပတ်သက်တဲ့ အသေးစိတ် အချက်အလက်တွေကို အောက်မှာ ဖော်ပြထားပါတယ်။

 

🎨ပြပွဲခေါင်းစဉ် – OMOCHA: Japanese Toys Today

📅ပြပွဲဖွင့်ရက် – မတ်လ ၁၁ ရက်နေ့ (ဗုဒ္ဓဟူးနေ့ )မှ မတ်လ ၂၅ ရက်နေ့ (ဗုဒ္ဓဟူးနေ့)ထိ (အပတ်စဉ် တနင်္လာနေ့များ ပိတ်သည်)

⏰ပြပွဲဖွင့်ချိန် – မနက် ၉ နာရီခွဲမှ ညနေ ၃ နာရီခွဲထိ

📍နေရာ – ဂျပန်ဖောင်ဒေးရှင်း ရန်ကုန်၊ အမှတ် ၇၀၊ နတ်မောက်လမ်းသွယ် ၁၊ ဗဟန်း။

🚌ဗျိုင်းရေအိုးစင်မှတ်တိုင်အနီး၊ ကားနံပါတ် – ၄၃၊ ၆၄၊ ၈၀။

✨ ပြပွဲဝင်ကြေး အခမဲ့ဖြစ်တဲ့အပြင် ပုံမှန်လာရောက်ကြည့်ရှုဖို့အတွက် ကြိုတင်စာရင်းပေးစရာလည်း မလိုပါဘူး!

မှတ်ချက်။ ။ ကားပါကင်မရှိပါ။

 

ယနေ့ခေတ်ရဲ့ နာမည်ကျော် ဂျပန်ကစားစရာ အရုပ်အမှတ်တံဆိပ်နဲ့ အမျိုးအစားတွေကို ဗဟုသုတရဖွယ် တနေရာတည်းမှာ လေ့လာကြည့်ရှုနိုင်မှာဖြစ်လို့ လာရောက်ခဲ့ကြဖို့ ဖိတ်ခေါ်လိုက်ပါတယ်နော်။