The Mysterious Truth of Ninja

• Oct 26, 2019
• 2 pm - 4 pm
• The Japan Foundation, Yangon
  No. 70, Nat Mauk Lane (1), Bahan Township, Yangon

နင်ဂျာတို့၏ လျို့ဝှက်နက်နဲသော အမှန်တရား

ဒဏ္ဍာရီလာ လုပ်ကြံသတ်ဖြတ်ရေးသမားများ၊ ပြောက်ကျားစစ်သည်တော်များ လျ ို့ ဝှက်နက်နဲလှသော အထောက်တော် သူလျှို များဟုဂုဏ်ဒြပ်အမျိုးမျိုး ဖြင့် ကျော်ကြားလှသော ရှီနိုဘီဟုခေါ်သော နင်ဂျာများသည် ၁၄ ရာစု ဂျပန်ပြည်တွင် တစ်ကွဲတပြားစီဖြစ်နေသောပြည်နယ်များနှင့် တိုက်ပွဲများကြားတွင် ကျော်ကြားပေါ်ထွက်လာခဲ့ပြီး၊ ဂျပန်နိုင်ငံကို တစုတစည်းတည်းဖြစ်အောင် ကြိုးပမ်းခဲ့ကြရာတွင်လျို့ဝှက်စွာပါဝင်ခဲ့ကြသောအရိပ်စစ်သည်တော်များဖြစ်သည်။ ၎င်းတို့သည် နိုင်ငံငြိမ်းချမ်းရေးအလင်းရရန် အမှောင်ထဲတွင် တိတ်တဆိတ် ကြိုးစားလှုပ်ရှားခဲ့ကြသူများဖြစ်သည်။ ငြိမ်းချမ်းရေးရပြီးကာလတွင်လည်း ၎င်းတို့သည် တိုခုဂါဝါ ရှိုးဂွန်းလက်အောက်တွင် ဂျပန်နိုင်ငံ ငြိမ်ဝပ်ပိပြားမှုနှင့် တည်တံ့ခိုင်မြဲရေးအတွက် ထောက်လှမ်းရေးပုဂ္ဂိုလ်များအဖြစ် တာဝန်ထမ်းဆောင်ခဲ့ကြသည်။
ယနေ့ခေတ်တွင် နင်ဂျာဟူသော အမည်နှင့် ပုံရိပ်ကို တစ်ကမ္ဘာလုံး ကျယ်ကျယ်ပြန့်ပြန့် တွေ့နေရပြီဖြစ်ပြီး အမျိုးမျိုးသော ရုပ်သံ မီဒီယာများဖြစ်သည့် ဗီဒီယိုဂိမ်း၊ မန်းဂ ကာတွန်း၊ အန်နီမေးရှင်းနှင့် ရုပ်ရှင်များတွင်လည်း ပုံစံအမျိုးမျိုးနှင့် တွေ့မြင်နိုင်သည်။ ကမ္ဘာ့ခေတ်ပေါ်ယဉ်ကျေးမှုရေစီးကြောင်း ပေါ်လိုက်ပြီး ဖျော်ဖြေရေးလောကတွင် နင်ဂျာ၏ ပုံရိပ်မှာ ပြောင်းလဲလာသည်ဖြစ်ရာ သမိုင်းကြောင်းအရ နင်ဂျာများ၏ အမှန်တရား၊ အချက်အလက်များနှင့် ပတ်သတ်ပြီး သိရှိမှုမှာများမှာလဲ နည်းသထက်နည်းပါးလာပါသည်။
ဂျပန်ဖောင်ဒေးရှင်းရန်ကုန်နှင့် မဲအိ တက္ကသိုလ် နိုင်ငံတကာ နင်ဂျာဆိုင်ရာ သုတေသနစင်တာ တို့ ပူးပေါင်းပြီး နင်ဂျာတို့၏ လျို့ဝှက်နက်နဲသော အမှန်တရား “The Mysterious Truth of the Ninja” ဟူသော ဟောပြောပွဲကို ပြုလုပ်သွားမည် ဖြစ်ပါသည်။ ဂျပန်နိုင်ငံ၏ နိုင်ငံတကာ နင်ဂျာဆိုင်ရာ လေ့လာရေးစင်တာမှ ယူးဂျိ ယမဒနှင့် ခဆုရ ယိုရှိမာရူ တို့မှ နင်ဂျာနှင့် ပတ်သတ်ပြီး သုတေသနပြုလုပ်ရှာဖွေထားသည့် သမိုင်းကြောင်းအချက်အလက်များကို မျှဝေသွားမည်ဖြစ်ကာ ဂျပန်နိုင်ငံ၏ နောက်ဆုံး နင်ဂျာဖြစ်သူ၊ ခိုဂ လျူ (Koga Ryu) ဆရာတစ်ဆူဖြစ်သော ဂျိနိချိ ခဝခမိ က နင်ဂျု ဆုပညာရပ် နှင့် ပတ်သတ်ပြီး ဗဟုသုတများကို မျှဝေသွားမည်ဖြစ်ပါသည်။
ယခုဟောပြောပွဲတွင် ရှိနိုဘီတို့၏ ဒဏ္ဍာရီလာအကြောင်းအရာများနှင့် အမှန်တရား၊ အချက်အလက်များကို နိုင်းယှဉ်လေ့လာပြီး လျို့ဝှက်နက်နဲသော အမှန်တရားကို ရှာဖွေလိုက်ကြရအောင်။

နေ့ရက် ။ ။ အောက်တိုဘာလ ၂၆ ရက် (စနေနေ့)
အချိန် ။ ။ နေ့လည် ၂ နာရီမှ ၄ နာရီအထိ
ဘာသာစကား ။ ။ ဂျပန်ဘာသာ၊ မြန်မာဘာသာ

**** စာရင်းပေးသွင်းရန် လိုအပ်ပါသည်။ (Japan Foundation, Yangon Facebook Messenger မှတစ်ဆင့် နာမည် ဖုန်းနံပါတ်နှင့် စာရင်းပေးသွင်းရမည်) ******