Shodo အခြေခံနဲ့ Kakizome ကို လေ့လာကြပါစို့

• Jan 25, 2020
• 10 am - 12 pm
• The Japan Foundation, Yangon
  No. 70, Nat Mauk Lane (1), Bahan Township

ဇန်နဝါရီလ ၂၅ရက် ( စနေနေ့ ) ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာမှာ အခြေခံ Shodo လက်တွေ့လေ့လာခြင်းနဲ့ Kakizome အစီအစဉ်ကို ကျင်းပပြုလုပ်မှာဖြစ်ပါတယ်။ Kakizome ဆိုတာက နှစ်သစ်မှာ ပထမဦးဆုံးစာလုံးအလှရေးသားခြင်း ဖြစ်ပါတယ်။ ရှေးတုန်းက နှစ်သစ်ရဲ့ပထမဆုံးအလုပ်တက်ရက်ဖြစ်ခဲ့တဲ့ ဇန်နဝါရီလ ၂ရက်နေ့မှာ ပြုလုပ်လေ့ရှိပြီး တစ်နှစ်တာလုံး ရည်မှန်းချက်တွေ ပြည့်ဝလာပါစေ ဆိုတဲ့ အဓိပ္ပါယ်ကို ထည့်သွင်းရေးသားကြပါတယ်။ ဒီအကြောင်းအရာတွေနဲ့ပတ်သက်ပြီး ရန်ကုန်မြို့မှာ နေထိုင်လျက်ရှိတဲ့ Ms. Yume က သင်ကြားပို့ချမှာဖြစ်ပြီး ဂျပန်ဘာသာလေ့လာနေသူများနဲ့ အနုပညာကို စိတ်ပါဝင်စားသူများကို တက်ရောက်ဖို့ တိုက်တွန်းချင်ပါတယ်။ မြန်မာဘာသာစကားနဲ့ သင်ကြားပို့ချမှာဖြစ်ပြီး ဆရာမ Ms. Yume မှလည်း Shodo သရုပ်ပြမှု ပြုလုပ်မှာဖြစ်ပါတယ်။

နေ့ရက် :၂၀၂၀ခုနှစ် ဇန်နဝါရီလ ၂၅ရက်နေ့ ( စနေနေ့ )
အချိန် : နံနက် ၁၀နာရီ မှ ၁၂နာရီအထိ
သတ်မှတ်လူဦးရေ : ၁၅ ဦး
ဘာသာစကား : မြန်မာဘာသာ
ဝင်ကြေးအခမဲ့
နေရာ : ဂျပန်ဖောင်ဒေးရှင်းရန်ကုန် ၊ အမှတ် ၇ဝ ၊ နတ်မောက်လမ်းသွယ် (၁)၊ ဗဟန်းမြို့နယ်၊ ရန်ကုန်။

စာရင်းပေးသွင်းရန် – Japan Foundation Yangon ၏ Facebook Messenger မှတစ်ဆင့် အမည်၊ ဆက်သွယ်ရမည့် ဖုန်းနံပါတ်နှင့် တက်ရောက်လိုသည့် ပွဲအမည်ကို အင်္ဂါနေ့မှ စနေနေ့အတွင်း ပေးပို့၍ ကြိုတင်စာရင်းပေးသွင်းနိုင်ပါသည်။ တနင်္ဂနွေနေ့နှင့် တင်္နလာနေ့တွင် ရုံးပိတ်ပါသည်။ လူဦးရေ အကန့်အသတ်ရှိသည့်အတွက် သတ်မှတ်လူဦးရေပြည့်သွားပါက စာရင်းပိတ်မည်ဖြစ်ပါသည်။

ပို့ချမယ့်သူအကြောင်း အကျဉ်းချုပ် – Ms. Yume၊ ရန်ကုန်မြို့တွင် ၇နှစ်ခွဲခန့်ကြာ နေထိုင်လျက်ရှိပြီး၊ အသက် ၄နှစ်အရွယ်မှစပြီး ၁၁နှစ်ကြာ Shodo ကို လေ့လာခဲ့သည်။ မြန်မာနိုင်ငံသို့ ရောက်ရှိပြီးနောက်တွင် Shodo ရေးဆွဲခြင်းကို ပြန်လည်စတင်ခဲ့ပြီး ဒီဇိုင်းအမျိုးမျိုးနှင့် Shodo ကို ပေါင်းစပ်ပြီး အနုပညာလက်ရာအသစ်များ ဖန်တီးလျက်ရှိသည်။