Shodo အခြေခံကို လေ့လာကြပါစို့

• Dec 7, 2019
• 2:30 pm - 4 pm
• The Japan Foundation, Yangon
  No. 70, Nat Mauk Lane (1), Bahan Township, Yangon

Shodo အခြေခံကို လေ့လာကြပါစို့

ဒီဇင်ဘာလ ၇ရက် ( စနေနေ့ ) ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာမှာ အခြေခံ Shodo အကြောင်းကို လက်တွေ့သင်ကြားပို့ချသွားမှာဖြစ်ပါတယ်။ ဒီပို့ချမှုကို ရန်ကုန်မြို့မှာ နေထိုင်လျက်ရှိတဲ့ Ms. Yume က သင်ကြားပို့ချပေးသွားမှာဖြစ်ပြီး အခြေခံ Shodo အကြောင်းကို လေ့လာနိုင်မှာဖြစ်ပါတယ်။ Shodo ဆိုတာက ရှေးခေတ်ဂျပန်နိုင်ငံမှာ အသုံးပြုခဲ့တဲ့ စာရေးကိရိယာတွေဖြစ်တဲ့ စုတ်တံနဲ့ မင်ကို အသုံးပြုပြီး Kanji ( ခန်းဂျိ ) နဲ့ Kana ( ခန ) စာလုံးတွေကို အနုပညာလက်ရာမြောက်အောင် ရေးဆွဲတဲ့ ဂျပန်ရဲ့ ရိုးရာအနုပညာတွေထဲက တစ်ခုဖြစ်ပါတယ်။ ဒီတစ်ခေါက်ပို့ချမှုမှာတော့ စုတ်တံကိုင်နည်း၊ မင်အသုံးပြုနည်း တို့ကို လေ့လာရမှာဖြစ်ပြီး Shodo အခြေခံဖြစ်တဲ့ Hane (ဟနဲ)၊ Harai (ဟလအိ)၊ Tome (တိုမဲ) တို့ကို လေ့ကျင့်ပြီး နောက်ဆုံးအနေဖြင့် လက်ရာတစ်ခုခုကို အတူတူဖန်တီးကြမှာ ဖြစ်ပါတယ်။ ဂျပန်ဘာသာလေ့လာနေသူများနဲ့ အနုပညာကို စိတ်ပါဝင်စားသူများအတွက် တက်ရောက်သင့်တဲ့ ပွဲတစ်ခုဖြစ်ပါတယ်။ အသုံးပြုမယ့် ဘာသာစကားကတော့ ဂျပန်ဘာသာနဲ့ မြန်မာဘာသာပါ။

ပို့ချမယ့်သူအကြောင်း အကျဉ်းချုပ် – Ms. Yume၊ ရန်ကုန်မြို့တွင် ၇နှစ်ခွဲခန့်ကြာ နေထိုင်လျက်ရှိပြီး၊ အသက် ၄နှစ်မှ ၁၁နှစ်အထိ Shodo ကို လေ့လာခဲ့သည်။ မြန်မာနိုင်ငံသို့ ရောက်ရှိပြီးနောက်တွင် Shodo ရေးဆွဲခြင်းကို ပြန်လည်စတင်ခဲ့ပြီး ဒီဇိုင်းအမျိုးမျိုးနှင့် Shodo ကို ပေါင်းစပ်ပြီး အနုပညာလက်ရာအသစ်များ ဖန်တီးလျက်ရှိသည်။

စာရင်းပေးသွင်းရန် – Japan Foundation Yangon ၏ Facebook Messenger မှတစ်ဆင့် အမည်၊ ဆက်သွယ်ရမည့် ဖုန်းနံပါတ်နှင့် တက်ရောက်လိုသည့် အချိန်တို့ကို ပေးပို့၍ ကြိုတင်စာရင်းပေးသွင်းနိုင်ပါသည်။ လူဦးရေ အကန့်အသတ်ရှိသည့်အတွက် သတ်မှတ်လူဦးရေပြည့်သွားပါက စာရင်းပိတ်မည်ဖြစ်ပါသည်။

နေ့ရက် :၂၀၁၉ခုနှစ် ဒီဇင်ဘာလ ၇ရက်နေ့ ( စနေနေ့ )
အချိန် : နေ့လည် ၂နာရီခွဲမှ ၄နာရီအထိ
သတ်မှတ်လူဦးရေ : ၁၅ ဦး
ဘာသာစကား : ဂျပန်ဘာသာ၊ မြန်မာဘာသာ
ဝင်ကြေးအခမဲ့
နေရာ : ဂျပန်ဖောင်ဒေးရှင်းရန်ကုန် ၊ အမှတ် ၇ဝ ၊ နတ်မောက်လမ်းသွယ် (၁)၊ ဗဟန်းမြို့နယ်၊ ရန်ကုန်။