Photo Exhibition: Japan World Heritage (Temples and Shrines II)

• Jan 29, 2020 ~ Feb 29, 2020
• 9 am - 5 pm
• The Japan Foundation, Yangon
  No. 70, Nat Mauk Lane (1), Bahan township, Yangon

“Temples & Shrines” ဓာတ်ပုံပြပွဲ၏ အဆက်အဖြစ် “Temples & Shrines II”ဟူသော ခေါင်းစဉ်အောက်တွင် ကျို တိုနှင့် နာရာဒေသများမှ သမိုင်းကြောင်းတစ်လျှောက် မပျက်စီးပဲ ကျန်ရစ်ခဲ့သည့် ဘုရားကျောင်းနှင့် နတ်နန်းများကို ပြသထားပါသည်။ ဂျပန်ကို နှစ်ပေါင်း ၂၅ဝ ကျော်အောင် အုပ်ချုပ်ခဲ့သော တိုခုဂါဝါ ရှိုးဂွန်း၏ ရုပ်တုကို ပြဌာန်းထားရာ တိုရှိုဂု နတ်နန်း၊ ကျိုတိုမြို့၏ သက်တမ်းအရှည်ဆုံး ခမီဂမိုနှင့် ရှိမိုဂမို နတ်နန်းများ၊ ဂျပန်နိုင်ငံ၏ အထင်ရှားဆုံးနှင့် သမိုင်းကြောင်းအရ အရေးပါလှသော ဘုရားကျောင်းဖြစ်သည့် တိုဒိုင်းဂျီ ဘုရားကျောင်း အစရှိသည့် ခေတ်အဆက် ဆက် ယဉ်ကျေးမှုကို ထိန်းသိမ်းလာနိုင်ခဲ့သော ဘုရားကျောင်း၊ နတ်နန်းများကို တွေ့မြင်နိုင်မည်ဖြစ်ပါသည်။

ဓာတ်ပုံဆရာ၏ ကိုယ်ရေးအကျဉ်း
မိဇုနို ခစုဟိကို ကို ကျိုတိုမြို့၏ ခမိဂရေားရပ်ကွက်တွင် ၁၉၄၁ ခုနှစ်၌ ဖွားမြင်ခဲ့ပါသည်။ ဒိုးရှိတတက္ကသိုလ်တွင် ဂျပန်စာပေအထူးပြုဖြင့် ဘွဲ့ရခဲ့ပြီး တိုကျို ဆိုးဂိုး ဓာတ်ပုံကောလိပ်တွင် ဘွဲ့လွန်သင်တန်းကို တက်ရောက်ခဲ့ပါသည်။ မိဇုနိုသည် ၁၉၆၉ ခုနှစ်မှစ၍ ကျိုတိုမြို့၏ ရှုခင်းများကို ဓာတ်ပုံရိုက်ခြင်းအတက်ပညာကို အထူးပြုလေ့လာလိုက်စားခဲ့ပါသည်။ ဂျပန်ရိုးရာယဉ်ကျေးမှုကိုလည်း လေ့လာခဲ့ပြီးနောက်တွင် သူ၏ဓာတ်ပုံများကို တည်းဖြတ်ခြင်းဆိုင်ရာ လုပ်ငန်းကိုပါ လုပ်ဆောင်ခဲ့ပါသည်။
၂ဝဝဝ ခုနှစ်တွင် သူ၏ကိုယ်ပိုင် ဓာတ်ပုံပြခန်းဖြစ်သည့် Townhouse Photo Hall (မချိရ ရှရှင်းကန်) ကို ဖွင့်လှစ်ခဲ့ပါသည်။

သူ၏ သဘာဝတောတောင်ရေမြေ အလှအပများကို ရိုက်ကူးထားသော ရှုခင်းဓာတ်ပုံများသည် Fore World Magazine က ထောက်ပံ့ချီးမြှင့်သော ၂ဝဝ၂ခုနှစ်အတွက် Fore World စာအုပ်၏ “အိမ်နှင့်ဥယျာဉ်” ဓာတ်ပုံအမျိုးအစားအတွက် ရွှေတံဆိပ်ဆု ရရှိခဲ့ပါသည်။
သူသည် ဂျပန်ဓာတ်ပုံဆရာများ အဖွဲ့အစည်းနှင့် ဂျပန်ဓာတ်ပုံအနုပညာအဖွဲ့အစည်း၏ အဖွဲ့ဝင်တစ်ဦးလည်းဖြစ်ပါသည်။
မိဇုနို ခစုဟိကိုသည် စာအုပ်ပေါင်း ၁၄ဝကို ထုတ်ဝေခဲ့ပြီး စာအုပ်အများစုသည် ဓာတ်ပုံပေါင်းချုပ်များဖြစ်သည်။