Movie Night

• Jan 29, 2020
• 6:30 pm
• No. 70, Nat Mauk Lane (1), Bahan township, Yangon

ဂျပန်ဖောင်ဒေးရှင်းရန်ကုန်မှာ ၂ဝ၂ဝ နှစ်သစ်ရဲ့ ပထမဆုံး ရုပ်ရှင်ပြသခြင်း အစီအစဉ် “Movie Night” ကို လာမယ့် ၂၉ ရက်နေ့ ဗုဒ္ဓဟူးနေ့ညမှာ ပြုလုပ်သွားမှာဖြစ်ပါတယ်။ ရောမအင်ပါယာက ရေပူစမ်းဆောက်လုပ်သူ ဗိသုကာပညာရှင်တစ်ဦး အချိန်ခရီးသွားပြီး ယနေ့ခေတ်ဂျပန်နိုင်ငံရဲ့ အများသုံးရေချိုးကန်သို့ ရောက်သွားပုံကို ပုံဖော်ထားတဲ့ “Thermae Romae” ဟာသဇာတ်ကားကို အင်္ဂလိပ်စာတန်းထိုးနဲ့ ပြသသွားမှာပါ။

ဒီဇာတ်ကားက ယာမဇကီ မာရီရဲ့ အောင်မြင်ကျော်ကြား လူကြိုက်များခဲ့ပြီး ၂ဝ၁ဝ ခုနှစ် Manga Taisho ဆု၊ Tezuka Osamu Cultural Prize for Best Short Work ဆုများလည်း ရရှိထားသည့် Therame Romae Manga ကို ရုပ်ရှင်ဇာတ်ကားအနေဖြင့် ပြန်လည်ဖန်တီးထားခြင်းဖြစ်ပါတယ်။ နိုင်ငံတကာရုပ်ရှင်ပွဲတော်များမှာ ဆုပေါင်းများစွာရရှိထားတဲ့ ဇာတ်ကားဖြစ်ပါတယ်။ ဒီဇာတ်ကားမှာ အီတလီနိုင်ငံရဲ့ အကြီးမားဆုံး ရုပ်ရှင်စတူဒီယိုဖြစ်တဲ့ Cinecitta မှာ ကျယ်ပြောလှတဲ့ ရောမအင်ပါယာကြီးကို ပုံဖော်ထားတာကို တွေ့ရမှာဖြစ်ပါတယ်။

ဇာတ်လမ်းအကျဉ်း
လူစီးယပ်စ်သည် ရောမအင်ပါယာတွင် Spa Bath ဟုခေါ်သည့် ရေပူစမ်း ရေချိုးကန်များကို ဆောက်လုပ်ပေးသော ဗိသုကာပညာရှင်တစ်ဦးဖြစ်သည်။ တစ်နေ့တွင် လူစီးယပ်စ်သည် ရေပူစမ်းအောက်ရှိ လှိုဏ်ခေါင်းငယ်တစ်ခုကို ရှာတွေ့ရာမှ အချိန်ခရီးသွား ယန္တရားဖြင့် ယနေ့ခေတ် ဂျပန်နိုင်ငံ၏ အများသုံးရေချိုးကန်တစ်ခုသို့ ရောက်ရှိသွားသည်။ ဂျပန်တွင် တွေ့ရသည့် ရေချိုးကန်တို့ရဲ့ တီထွင်ဖန်တီးထားမှုတွေကို နည်းယူပြီး လူစီးယပ်စ်ဟာ ဂျပန်ရဲ့ ယဉ်ကျေးမှုတွေကို ရောမသို့ သယ်ယူသွားကာ လျှမ်းလျှမ်းတောက် အောင်မြင်လာခဲ့ပြီး ဧကရာဇ်ဘုရင်တောင်မှ သူ့ကို ဧရာမ ရေပူစမ်းကြီးကို ဆောက်လုပ်ခိုင်းတဲ့အထိ နာမည်ကြီးလာခဲ့ပါတယ်။

နေ့ရက် : ၂ဝ၂ဝ ခုနှစ်၊ ဇန်နဝါရီလ ၂၉ ရက်
အချိန် : ညနေ ခြောက်နာရီခွဲ
နေရာ : ဂျပန်ဖောင်ဒေးရှင်း၊ရန်ကုန်
အင်္ဂလိပ်စာတန်းထိုးဖြင့် ပြသသွားမည်။