🧸ယနေ့ခေတ် ဂျပန်ကလေးကစားစရာအရုပ်များပြပွဲကို အတူတူလည်ပတ်ကြည့်ကြမလား 🪀

• 11:00～11:30、14：00～14:30
• 国際交流基金ヤンゴン日本文化センター
  The Japan Foundation, Yangon
  （No. 70, Nat Mauk Lane 1, Bahan Township）

ယနေ့ခေတ် ဂျပန်ခေတ်ပေါ် ကလေးကစားစရာ အရုပ်တွေကို ကဏ္ဍအလိုက် ခွဲခြားပြီး စနစ်တကျ ပြသနေတဲ့ “ OMOCHA: Japanese Toys Today” ကမ္ဘာလှည့်ပြပွဲကို ဂျပန်ဖောင်ဒေးရှင်း၊ ရန်ကုန် ဂျပန်ယဉ်ကျေးမှုစင်တာမှာ မတ်လ ၁၁ ရက်နေ့ (ဗုဒ္ဓဟူးနေ့) မှ ၂၅ ရက်နေ့ (ဗုဒ္ဓဟူးနေ့) ထိ ပြသလျက်ရှိပါတယ်။

 

တယောက်တည်းမကြည့်ချင်ဘူး ဆိုတဲ့သူတွေ၊ မနှစ်က Yokai Parade ပြပွဲတုန်းကလို ပြပွဲတာဝန်ခံက ရှင်းပြတာကို နားထောင်ရင်း အတူကြည့်ချင်တဲ့သူတွေအတွက် ဒီနှစ်ပြပွဲမှာလည်း မည်သူမဆို အခမဲ့ပါဝင်နိုင်တဲ့ Gallery Tour အစီအစဉ်လေး ရှိကြောင်း သတင်းကောင်းပါးလိုက်ပါရစေ။

 

Gallery Tours ကို နှစ်မျိုးခွဲခြားထားပြီး မြန်မာဘာသာစကားဖြင့်သာ ပြုလုပ်ပေးသွားမှာပါ။ သတ်မှတ်ထားချိန်မှာ ဘယ်သူမဆို ဘယ်နှယောက်ဖြစ်ဖြစ် ဝင်လာကြည့်လို့ရတဲ့ ပုံမှန် Individual Tours အစီအစဉ်က မတ်လ ၁၁ ရက်နေ့  (ဗုဒ္ဓဟူးနေ့)နဲ့  မတ်လ ၁၅ ရက်နေ့  (တနင်္ဂနွေနေ့) တို့မှာ တနေ့ကို ၂ ကြိမ်စီ ပြုလုပ်ပေးသွားမှာဖြစ်ပြီး ကြိုတင်စာရင်းမပေးဘဲ ကြေငြာထားတဲ့ အချိန်မှာ လာရောက်ပါဝင်နိုင်ပါတယ်။

 

ဂျပန်ဘာသာစကားသင်ကျောင်းတွေနဲ့ အခြားစိတ်ဝင်စားတဲ့ အဖွဲ့အစည်းတွေက အဖွဲ့လိုက် လာရောက်လေ့လာဖို့ Group Tours တွေကိုတော့ ကြိုတင်စာရင်းပေးရမှာ ဖြစ်ပြီး မတ်လ ၁၈ရက်နေ့ နဲ့  ၂၅ ရက်နေ့ (ဗုဒ္ဓဟူးနေ့)တွေမှာ တနေ့ကို ၂ ကြိမ် ပြုလုပ်ပေးသွားမှာ ဖြစ်ပါတယ်။ အကန့်အသတ်ရှိတာကြောင့် အစောဆုံး စာရင်းပေးလာသူတွေကို ဦးစားပေးသွားမှာပါ။ ဒါကြောင့် အောက်မှာ ပါတဲ့ လင့်ကနေ စာရင်းပေးထားကြဦးနော်။

 

🎨ပြပွဲခေါင်းစဉ် – OMOCHA: Japanese Toys Today

📅ပြပွဲဖွင့်ရက် – မတ်လ ၁၁ ရက်နေ့ (ဗုဒ္ဓဟူးနေ့)မှ မတ်လ ၂၅ ရက်နေ့ (ဗုဒ္ဓဟူးနေ့)ထိ (အပတ်စဉ် တနင်္လာနေ့များ ပိတ်သည်)

⏰ပြပွဲဖွင့်ချိန် – မနက် ၉ နာရီခွဲမှ ညနေ ၃ နာရီခွဲထိ

📍နေရာ – ဂျပန်ဖောင်ဒေးရှင်း ရန်ကုန်၊ အမှတ် ၇၀၊ နတ်မောက်လမ်းသွယ် ၁၊ ဗဟန်း။

🚌ဗျိုင်းရေအိုးစင်မှတ်တိုင်အနီး၊ ကားနံပါတ် – ၄၃၊ ၆၄၊ ၈၀။

✨ ပြပွဲဝင်ကြေး အခမဲ့ဖြစ်တဲ့အပြင် ပုံမှန်လာရောက်ကြည့်ရှုဖို့အတွက် ကြိုတင်စာရင်းပေးစရာလည်း မလိုပါဘူး!

 

 

👤 Individual Tours👤

နေ့စွဲ – မတ်လ ၁၁ ရက်နေ့ ၊ မတ်လ ၁၅ ရက်နေ့

I အချိန် – မနက် ၁၁ နာရီမှ ၁၁ နာရီခွဲ၊ နေ့လည် ၂ နာရီမှ ၂ နာရီခွဲ

 

👥 Group Tours 👥

နေ့စွဲ – မတ်လ ၁၈ ရက်နေ့ ၊ မတ်လ ၂၅ ရက်နေ့

အချိန် – မနက် ၁၁ နာရီမှ ၁၁ နာရီခွဲ၊ နေ့လည် ၂ နာရီမှ ၂ နာရီခွဲ

စာရင်းပေးရန် – Registration Form for “ OMOCHA: Japanese Toys Today” Exhibition Group Tours – Fill out form

 

မှတ်ချက်။ အရင်ဆုံးစာရင်းပေးသူကို ဦးစားပေးမည်။ ကားပါကင်မရှိပါ။