ဂျပန်မှာ စက်တင်ဘာလ လကုန်လောက်ကနေစပြီး အေးမြတဲ့ဆောင်းဦးရာသီကို ရာသီကူးပြောင်းလာပါပြီ။ ဆောင်းဦးရာသီမှာ အာရုံစူးစိုက်နိုင်မှုလည်းပိုကောင်းတဲ့အတွက် စာအုပ်၊ စာပေဖတ်ဖို့ အသင့်တော်ဆုံး ရာသီဖြစ်တယ်လို့လည်း ပြောကြပါတယ်။ ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာသည် ဂျပန်ဘာသာစကားလေ့လာနေသူတွေအတွက် ဂျပန်နိုင်ငံရဲ့ ယဉ်ကျေးမှုနဲ့ဓလေ့ထုံးထမ်းစတာတွေကို ဂျပန်လူမျိုးနဲ့ ဂျပန်လို ပျော်ပျော်ရွှင်ရွှင်နှီးနှောဖလှယ်နိုင်မယ့် “ဂျပန်လိုပျော်ပျော်ရွှင်ရွင် စကားပြောရအောင်” ဆိုတဲ့ အစီအစဉ်လေးကို စတင်ခဲ့ပါတယ်။ ဒီတစ်ခေါက်အကြောင်းအရာကတော့ “မိမိကြိုက်နှစ်သက်တဲ့စာအုပ်”ဖြစ်ပါတယ်။ ဂျပန်မှာသာမက နိုင်ငံတကာမှာ နာမည်ကြီးတဲ့ ဂျပန်စာပေလက်ရာတွေနဲ့ စာရေးဆရာတွေအကြောင်း၊ ဂျပန်စာပေဆုတွေ အကြောင်း၊ ကိုယ်ကြိုက်နှစ်သက်တဲ့ စာအုပ်အကြောင်းတွေကို ဂျပန်လူမျိုးနဲ့ အချင်းချင်းမျှဝေပြီး ဂျပန်လိုပြောရမဲ့ပွဲဖြစ်တာကြောင့် စိတ်ပါဝင်စားသူများ အောက်ပါ google form ကို ဖြည့်စွက်ပြီး နာမည်စာရင်းပေးနိုင်ပါတယ်။

နေ့ရက်နှင့်အချိန်။ ။ ၂၀၂၂ ခုနှစ် အောက်တိုဘာလ ၁၂ ရက်နေ့ (ဗုဒ္ဓဟူးနေ့) နေ့လယ် ၁၀နာရီမှ ၁၁ နာရီခွဲအထိ

သတ်မှတ်ဦးရေ။ ။ ၁၅ ဦး

ဂျပန်စာ level။ ။ N3 levelနှင့်အထက်

ကျင်းပမည့်နေရာ။ ။ ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာ

အမှတ် ၇၀၊ နတ်မောက်လမ်းသွယ် (၁)၊ ဗဟန်းမြို့နယ်၊ ရန်ကုန်မြို့

※ကိုဗစ်ရောဂါထိန်းချုပ်ကာကွယ်နိုင်ရန်အတွက် နှာခေါင်းစည်း mask များ ဝတ်ဆင်၍ ပါဝင်ပေးပါရန် မေတ္တာရပ်ခံအပ်ပါသည်။