Japan Foundation ၏ လူကြိုက်များသည့် activity တစ်ခုဖြစ်သည့် Origami Club ကို ဇူလိုင်လအတွက် လာမည့် စနေနေ့ ၆ ရက်နေ့တွင် ပြုလုပ်သွားမည်ဖြစ်ပါသည်။ ယခုတစ်ခေါက်တွင် ချစ်စရာကောင်းတဲ့ ထီးကလေးနဲ့ Kirigami technique ကိုအသုံးပြုပြီး စက္ကူအလှဆင်နည်းများပြုလုပ်နည်းကို ဆရာမနှင်းဆီမှ သင်ပြပေးသွားမည်ဖြစ်ပါသည်။ အခြေခံကျသော ခေါက်နည်းများမှစပြီး ပုံစံအမျိုးမျိုးရသည်အထိ ပြုလုပ်သွားမည်ဖြစ်ပါသည်။ ဝင်ကြေးအခမဲ့ဖြစ်ပြီး လူဦးရေကန့်သတ်ထားသည့်အတွက် Japan Foundation ၏ Facebook Messanger မှတဆင့် အမည်နှင့် ဆက်သွယ်ရမည့် ဖုန်းနံပါတ်တို့ကိုဇူလိုင်လ ငါးရက်နေ့ သောကြာနေ့ နေ့လည် ၁၂ နာရီမတိုင်ခင် ပို့ပေးပြီး စာရင်းပေးသွင်းရန် လိုအပ်ပါသည်။

Summer days ဓာတ်ပုံပြပွဲကို လာရောက်ရင်း ဂျပန်နိုင်ငံ၏ နွေနေ့ရက်များကို ဖြတ်သန်းကြရအောင်!

ဂျပန်ဖောင်ဒေးရှင်းရန်ကုန် ဓာတ်ပုံပြပွဲစီးရီး၏ အစိတ်အပိုင်းတစ်ခုအနေဖြင့် ယခုတစ်ခေါက်တွင် နွေရာသီရှိ ဂျပန်ဥယျာဉ်များ၏ အလှကို ရိုက်ကူးပုံဖော်ထားသော ဂျပန်နာမည်ကြီးဓာတ်ပုံဆရာ Mr.Mizuno Katsuhiko၏ အနုပညာလက်ရာများကို ပြသသွားမည်ဖြစ်ပါသည်။

ဂျပန်နိုင်ငံ၏ နွေရာသီကာလတွင် ရိုက်ကူးထားသော ဂျပန်နိုင်ငံရှိ ဥယျာဉ်များ၏ ရှုခင်းအလှဓာတ်ပုံများကို ပြသရန် ရွေးချယ်စီစဉ်ထားပါသည်။သို့ဖြစ်ပါ၍ ဂျပန်နိုင်ငံ၏ နွေရာသီ သဘာဝအလှတရားများကိုကြည့်ရှုရင်း ဂျပန်နိုင်ငံ နွေနေ့ရက်များ၏ အငွေ့အသက်ကို ခံစားသိမြင်နိုင်ရန် “Summer Days”ဓာတ်ပုံပြပွဲသို့ လာရောက်၍ ကြည့်ရှုခံစားကြပါရန် သတင်းကောင်းပါးရင်း ဖိတ်ခေါ်လိုက်ရပါသည်။

(ဓာတ်ပုံဆရာ၏ ကိုယ်ရေးအကျဉ်း)
မိဇုနို ခစုဟိကို ကို ကျိုတိုမြို့၏ ခမိဂရေားရပ်ကွက်တွင် ၁၉၄၁ ခုနှစ်၌ ဖွားမြင်ခဲ့ပါသည်။ ဒိုးရှိတတက္ကသိုလ်တွင် ဂျပန်စာပေအထူးပြုဖြင့် ဘွဲ့ရခဲ့ပြီး တိုကျို ဆိုးဂိုး ဓာတ်ပုံကောလိပ်တွင် ဘွဲ့လွန်သင်တန်းကို တက်ရောက်ခဲ့ပါသည်။ မိဇုနိုသည် ၁၉၆၉ ခုနှစ်မှစ၍ ကျိုတိုမြို့၏ ရှုခင်းများကို ဓာတ်ပုံရိုက်ခြင်းအတတ်ပညာကို အထူးပြုလေ့လာလိုက်စားခဲ့ပါသည်။ ဂျပန်ရိုးရာယဉ်ကျေးမှုကိုလည်း လေ့လာခဲ့ပြီးနောက်တွင် သူ၏ဓာတ်ပုံများကို တည်းဖြတ်ခြင်းဆိုင်ရာ လုပ်ငန်းကိုပါ လုပ်ဆောင်ခဲ့ပါသည်။
၂ဝဝဝ ခုနှစ်တွင် သူ၏ကိုယ်ပိုင် ဓာတ်ပုံပြခန်းဖြစ်သည့် Townhouse Photo Hall (မချိရ ရှရှင်းကန်) ကို ဖွင့်လှစ်ခဲ့ပါသည်။
သူ၏ သဘာဝတောတောင်ရေမြေ အလှအပများကို ရိုက်ကူးထားသော ရှုခင်းဓာတ်ပုံများသည် Fore World Magazine က ထောက်ပံ့ချီးမြှင့်သော ၂ဝဝ၂ခုနှစ်အတွက် Fore World စာအုပ်၏ “အိမ်နှင့်ဥယျာဉ်” ဓာတ်ပုံအမျိုးအစားအတွက် ရွှေတံဆိပ်ဆု ရရှိခဲ့ပါသည်။
သူသည် ဂျပန်ဓာတ်ပုံဆရာများ အဖွဲ့အစည်းနှင့် ဂျပန်ဓာတ်ပုံအနုပညာအဖွဲ့အစည်း၏ အဖွဲ့ဝင်တစ်ဦးလည်းဖြစ်ပါသည်။
မိဇုနို ခစုဟိကိုသည် စာအုပ်ပေါင်း ၁၄ဝကို ထုတ်ဝေခဲ့ပြီး စာအုပ်အများစုသည် ဓာတ်ပုံပေါင်းချုပ်များဖြစ်သည်။

သင်နှင့် မတူညီသော ယဉ်ကျေးမှုနောက်ခံမှ လာသူနှင့် တွေ့သောအခါ သင့်ကိုယ်သင် အများနှင့် ကွဲပြားနေသည်ဟု ခံစားရပါသလား? သင်၏ ယဉ်ကျေးမှုဆိုင်ရာ တန်ဖိုးထားမှုနှင့် ယုံကြည်မှုများက သင်နေထိုင်ရာ ပတ်ဝန်းကျင်မှ လူအများစု၏ တန်ဖိုးထားမှု၊ ယုံကြည်မှုများနှင့် မတူညီသောအခါ ကဲ့ရဲ့ခံရဖူးပါသလား? ယဉ်ကျေးမှု၊ ဘာသာစကားနှင့် ကိုးကွယ်ယုံကြည်မှု မတူသော လူများကို ဆက်သွယ်ပေးနိုင်မည့် အရာက ဘာလဲဆိုတာကို စဉ်းစားအဖြေရှာဖူးပါသလား?

ယဉ်ကျေးမှုမတူကွဲပြားမှုများကြောင့် လူအများကြား မျှဝေခံစား စာနာသနားမှုများလည်း ပေါ်ပေါက်လာနိုင်သလို ရွံမုန်းတီးမှုများလည်းပေါပေါ်က်လာနိုင်ကြောင်းကို ပြသထားသည့် “ The Strangers” မှ ပြဇာတ်များနှင့် သရုပ်ဖော်မှုများက သင့်ကို ၄င်းမေးခွန်းများ၏ အဖြေများကို ရှာဖွေသဘောပေါက်စေပါလိမ့်မည်။

ွGoethe-Institut မြန်မာနှင့် ဂျပန်ဖောင်ဒေးရှင်း၊ ရန်ကုန်တို့ ပူးပေါင်းစီစဉ်တင်ဆက်သော The Strangers ပြဇာတ်နှင့် သရုပ်ဖော်မှုများကို ဇွန်လ ၂၉ ရက်နေ့ ညနေ ၃ နာရီတွင် Goethe-Institut မှာ ပြုလုပ်မည်ဖြစ်ပါသည်။ ဂျပန်၊ ကိုရီးယား၊ ထိုင်ဝမ်၊ မလေးရှားနိုင်ငံတို့မှ နိုင်ငံတကာအကပညာရှင်များနဲ့ ဂျာမနီနိုင်ငံက ယဉ်ကျေးမှုရေးရာပူးပေါင်းဆောင်ရွက်သူ Julia Hesse ၊ အာဂျင်တီးနား/ ဂျာမနီနိုင်ငံက ဒါရိုက်တာ Leandro Kees တို့က ပါဝင်သရုပ်ဖော်ကြမှာဖြစ်ပါသည်။

ယဉ်ကျေးမှု မတူညီသော လူများအကြောင်းနှင့် မတူညီကွဲပြားသော သူစိမ်းများအကြား တူညီသော အလှတရားများကို ရှာဖွေရန် Goethe-Institut ရှိ The Strangers ကို လာရောက်ကြည့်ရှုဖို့ ဖိတ်ခေါ်အပ်ပါသည်။

ဇွန်လ ၂၉ရက် ( စနေနေ့ ) နေ့လယ် ၂နာရီမှ ၃နာရီခွဲအထိ ဂျပန်ဖောင်ဒေးရှင်းရန်ကုန်မှာ Nihongo Club ပြုလုပ်မှာဖြစ်ပါတယ်။ Nihongo Club ဆိုတာက ဂျပန်လူမျိုးနဲ့ ဂျပန်လို ပျော်ရွှင်စွာ စကားစမြည်ပြောဆိုကြမယ့် အစီအစဉ်ဖြစ်ပါတယ်။
ဒီတစ်ခေါက်ပြောကြမယ့် ခေါင်းစဉ်ကတော့ “ တနဘတပွဲတော် ” ပါ။ “ တနဘတပွဲတော် ” အကြောင်းလေ့လာရင်း ဂျပန်စကားပြောကျင့်ကြည့်ရအောင်။ အတူတူစကားပြောကြမယ့် ဂျပန်လူမျိုးတာဝန်ခံတွေကတော့ Nihongo Partners တွေဖြစ်တဲ့ ဆရာမ နာရဟာရ (Narahara) နဲ့ ဆရာမ မာအဲဒ (Maeda) တို့ ၂ဦးဖြစ်ပါတယ်။ အားလုံးပဲ လာရောက်ပါဝင်ကြဖို့ ဖိတ်ခေါ်ပါတယ်။
စာရင်းပေးသွင်းရန် – ဂျပန်ဖောင်ဒေးရှင်းရန်ကုန် FB Page ( The Japan Foundation, Yangon ) ၏ Message box သို့ အမည်၊ ဖုန်းနံပါတ်တို့ကို ပေးပို့၍ စာရင်းပေးသွင်းနိုင်ပါတယ်။ သတ်မှတ်ထားတဲ့ လူဦးရေ ပြည့်သွားတာနဲ့ စာရင်းပိတ်မှာဖြစ်ပါတယ်။