Social Entrepreneurs Exchange Seminar

  • Nov 22, 2020
  • 2 pm - 4 pm
  • Facebook
    Zoom
Social Entrepreneurs Exchange Seminar: Sustainable development of local industry via innovations
globalization ခေတ်ကြီးတွင် စီးပွားရေးနှင့် ဖွံ့ဖြိုးမှုတို့ အရှိန်အဟုန်ဖြင့် တိုးတက်နေသော်လည်း အကျိုးဆက်အားဖြင့် ပြည်တွင်းစီးပွားရေးတွင် ကွာဟမှုများဖြစ်ပေါ်စေကာ မိရိုးဖလာ စီးပွားရေးလုပ်ငန်းများလျော့နည်းလာခြင်း၊ လူများ မြို့ကြီးပြကြီးများသို့ ပြောင်းရွှေ့သွားခြင်း အစရှိသည့် လူ့အဖွဲ့အစည်းအတွင်း ပြောင်းလဲမှုများကြောင့် စိုးရိမ်ပူပန်စရာများ ရှိလာပါသည်။ ယခုလို လျင်မြန်စွာ ဖွံ့ဖြိုးတိုးတက်နေသောခေတ်တွင် အထူးသဖြင့် ကိုရိုနာရောဂါကြောင့် စီးပွားရေးအပေါ် ကန့်သတ်မှုများရှိနေစဥ် မိမိတို့၏ ပြည်တွင်းစီးပွားရေးကို တပြေးညီ စဥ◌်ဆက်မပြတ်ဖွံ့ဖြိုးတိုးတက်စေဖို့နှင့် တစ်ချိန်တည်းမှာပဲ အဆိုပါ လူမှုစီးပွားရေးပြဿနာများကို ဖြေရှင်းနိုင်ရန်မှာ သေချာစဥ◌်းစားအဖြေရှာဖို့လိုအပ်သည့် စိန်ခေါ်မှုတစ်ရပ်ဖြစ်လာပါသည်။
အဆိုပါအကြောင်းအရာကို နောက်ခံထား၍ ဂျပန်ဖောင်ဒေးရှင်းရန်ကုန်နှင့် Impact Hub Yangon သည် ဂျပန်နှင့် မြန်မာမှ တီထွင်ဆန်းသစ်သော အတွေးအခေါ်business model များဖြင့် ပြည်တွင်းစီးပွားရေးကို ပြန်လည်ရှင်သန်စေခဲ့သည့် လူထုအကျိုးပြုစီးပွားရေးလုပ်ငန်းရှင် social entrepreneurs နှစ်ဦးကို ဖိတ်ခေါ်ထားပါတယ်။
ဖိတ်ကြားထားသည့် social entrepreneurs နှစ်ဦးက ဂျပန်နှင့်မြန်မာမှ လူမှုစီးပွားရေးအခြေအနေများကို အခြေခံကာ ပြည်တွင်းဈေးကွက်စီးပွားရေး ရေရှည်တည်တံ့တိုးတတ်ဖို့ တီထွင်ဆန်းသစ်သော အတွေးအခေါ်များနှင့် မည်သို့ချဉ်းကပ်ပုံ၊ product ကို innovate လုပ်ခြင်းနှင့် လူ့အဖွဲ့အစည်းအတွက် ထည့်သွင်းစဥ်းစားပြီး innovate လုပ်ဖြစ်ပုံ နှင့် ကိုဗစ်ကာလအတွင်း သူတို့ မည်ကဲ့သို့ ရပ်တည်ခဲ့ကြသည်ကို ဆွေးနွေးဝေမျှသွားမည်ဖြစ်ပါသည်။
ဂျပန်နိုင်ငံ အိဝတဲ စီရင်စုရှိ အသုံးမပြုပဲစွန့်ပစ်ထားသည့် စပါးခင်းများကို ပြန်လည်အသုံးဝင်အောင် innovative အိုင်ဒီယာများဖြင့် ပြုလုပ်ခဲ့သည့် Fermenstation., Co., Ltd ကို တည်ထောင်သူ Ms. Lina Sakai နှင့် မြန်မာမှ လူနေမှုပတ်ဝန်းကျင်နှင့် သဘာဝပတ်ဝန်းကျင်ကို ရေရှည်တည်တံ့ဖွံ့ဖြိုးစေဖို့ ဆန်းသစ်သည့် business model ဖြင့် social start-up ကို တည်ထောင်ခဲ့သည့် recycle Myanmar မှ ကိုပုညတို့မှ ဆွေးနွေးဝေမျှသွားမည်ဖြစ်ပြီး Impact Hub Yangon မှ moderator အဖြစ် ဆောင်ရွက်ပေးသွားမည်ဖြစ်ပါသည်။
နေ့ရက် ။ ။ ၂၂ ရက် ၁၁ လ ၂၀၂၀ (တနင်္ဂနွေနေ့)
အချိန် ။ ။ နေ့လည် ၂ နာရီ မှ ၄ နာရီ
ဘာသာစကား ။ ။ အင်္ဂလိပ်ဘာသာ၊ မြန်မာဘာသာ
အသုံးပြုမည့် platform ။ ။ Zoom webinar (အင်္ဂလိပ်ဘာသာ၊ မြန်မာဘာသာ ), Facebook Live (only English language )
စိတ်ဝင်စား၍ ပွဲတက်ရောက်လိုပါက အောက်ဖော်ပြပါ လင့်ခ် မှ တစ်ဆင့် ဝင်ရောက် နာမည်စာရင်းသွင်းနိုင်ပါသည်။
https://zoom.us/webinar/register/WN_lifYNDuRRYqYV200Ab5jwQ
Speakers:
(1) Lina Sakai
Lina Sakai သည် Fermenstation ကုမ္ပဏီ၏ CEO ဖြစ်ပြီး Fermenstation သည် အသုံး မပြုသော biomass များမှတစ်ဆင့် အီသနော ထုတ်လုပ်သည့် ကုမ္ပဏီ ဖြစ်သည်။ Fermenstation သည် အသုံးမပြုသော စပါးခင်းများမှ ဆန်ကို အချဉ်ဖောက်ပြီး အဓိကအားဖြင့် အလှကုန်ပစ္စည်း၊ အစားအသောက်နှင့် ဖျော်ရည်များတွင် ကုန်ကြမ်းပစ္စည်းအဖြစ် အသုံးပြုလေ့ရှိသည့် ပရီမီယမ် အီသနော ကို ထုတ်လုပ်ဖြန့်ဖြူးသည်။ ကုမ္ပဏီမှထွက်ရှိသော ဘေးထွက်ပစ္စည်းမှန်သမျှကို ပရီမီယမ် မျက်နှာသစ်ဆပ်ပြာနှင့် အလှကုန်ပစ္စည်းများ အစရှိသည့် တန်ဖိုးမြှင့် ပစ္စည်း အဖြစ်သို့ ထုတ်လုပ်ပြီး ဈေးကွက်ချဲ့ထွင်လျက်ရှိသည်။ အချဉ်ဖောက်ရာမှ ကျန်ရှိသော စပါးအကြွင်းအကျန်များကို တိရစ္ဆာန်အစာအဖြစ်အသုံးပြုပြီးလည်း အလေအလွင့်မရှိအောင် ဆောင်ရွက်ကာ ရည်ရှည်တည်တံ့ခိုင်မြဲသော စက်ဝန်းကို ဖန်တီး ထားသည်။
အီသနောကို လောင်စာအဖြစ် မူလအစက သတ်မှတ်အသုံးပြုခဲ့ကြသော်လည်း Rina ၏ Fermenstation ကုမ္ပဏီသည် အီသနောကို အလှကုန်ပစ္စည်းဈေးကွက်တွင် ထိုးဖောက်နိုင်ခဲ့သည်။
Lina ၏ အလဟသဖြစ်နေသော သဘာဝအရင်းအမြစ်များကို မည်သည့်နည်းဖြင့် အကျိုးရှိစွာ အသုံးပြုနိုင်မလဲဆိုသည့် သိလိုစိတ်က အချဉ်ဖောက်သည့်နည်းပညာကို လေ့လာဖို့ အားဖြစ်စေခဲ့သည်။ ထိုအသိပညာဖြင့် ဂျပန်နိုင်ငံ တိုဟိုခု ဒေသရှိ အသုံးမပြုသော စပါးခင်းထဲရှိ ဆန်စပါးများကို အီသနောအဖြစ် ပြောင်းလဲထုတ်လုပ်ခဲ့သည်။ ထိုအချိန်မှစ၍ စွန့်ဦးတီထွင်သူတစ်ဦးဖြစ်လာဖို့ သူမ ဆုံးဖြတ်ခဲ့သည်။ Rina သည် သူမ၏ Fermenstation ကုမ္ပဏီမှတစ်ဆင့် တစ်နေ့တွင် အသုံးမပြုသော အရင်းအမြစ်များမှ ကုန်ကြမ်း ပစ္စည်းများ ဖန်တီးထုတ်လုပ်ခြင်းကို အားပေးထောက်ခံသည့် လူ့အသိုက်အဝန်း “renewable society” တစ်ခု ပေါ်ထွန်းလာဖို့ မျှော်လင့်သည်။ ကုမ္ပဏီ၏ သဘာဝပတ်ဝန်းကျင်နှင့် လိုက်ဖက်ညီပြီး ရေရှည်တည်တံ့ခိုင်မြဲသော စီးပွားရေးပုံစံသည် ကုမ္ပဏီအောင်မြင်မှု၏ အဓိက သော့ချက်ဖြစ်သည်။
(2) Pon Nya
ကိုပုညသည် မြန်မာနိုင်ငံမှ အနာဂါတ်အမြင်ရှိတဲ့ လူမှုအကျိုးပြု စွန့် ဦးတီထွင် စီးပွားရေးလုပ်ငန်းရှင်တစ်ဦးဖြစ်ပါသည်။ သူသည် ချဲ့ထွင်တိုးပွားနိုင်သော၊ စဥ်ဆက်မပြတ်သော စီးပွားရေးပုံစံဖြင့် လူမှုအကျိုးပြုစီးပွားရေးလုပ်ငန်းဖြစ်သည့် Recycle Myanmar ကို တည်ထောင်ခဲ့ပါသည်။ Recycle Myanmar သည် အရင်းအမြစ်များကို သံသရာလည်ပတ်စေသည့် စီးပွားရေးကို ပံ့ပိုးပေးသည့်အနေဖြင့် မိုဘိုင်းအပလီကေးရှင်းအခြေခံ စွန့်ပစ်ပစ္စည်းပြန်လည်အသုံးပြုရန် ချိတ်ဆက်ပေးသော ပလတ်ဖောင်းတစ်ခုဖြစ်ပါသည်။ ၎င်းသည် အခြေခံလူတန်းစားများကို အလုပ်အကိုင်ဖန်တီးပေးရုံသာမကပဲ လူမှုပတ်ဝန်းကျင်ရေရှည်တည်တံ့မှုကိုလည်း အပေါင်းလက္ခဏာဆောင်သော အကျိုးကျေးဇူးပြုနေပါတယ်။
Moderator
ကိုဘုန်းမြတ်သည် လက်ရှိတွင် Impact Hub Yangon ၌ business operations နှင့် administration management ပိုင်းတွင် Operations Lead အဖြစ် တာဝန်ယူလုပ်ကိုင်လျက်ရှိသည်။ Sunderland တက္ကသိုလ်မှ Engineering ဆိုင်ရာ ပရော့ဂျက်စီမံခန့်ခွဲမှုကို မဟာဘွဲ့ဖြင့် ရရှိအောင်မြင်ခဲ့သည်။ Impact Hub Yangon အဖွဲ့တွင် Operations Lead အဖြစ် မဝင်ရောက်ခင်က Visibility design ဟုခေါ်သည့် 360 မားကတ်တင်း ကုမ္ပဏီတွင် project manager အဖြစ် ဆောင်ရွက်ခဲ့သည်။ လူငယ်ခေါင်းဆောင်တစ်ဦးအဖြစ် ကိုဘုန်းမြတ်သည် နိုင်ငံဂေဟစနစ်ဖွံ့ဖြိုးတိုးတတ်ရန်၊ နိုင်ငံဂေဟစနစ်ရှိ စွန့်ဦးတီထွင်မှုလုပ်ငန်းအစီအစဥ်များ တိုးတက်လာနိုင်ရန်နှင့် ထိုအတွက် စီမံခန့်ခွဲမှုလုပ်ငန်းစဥ်ပိုင်းမှ ထိရောက်စွာ ပါဝင်ဆောင်ရွက်မှုကို မြှင့်တင်ပေးခြင်းဖြင့် ကူညီနိုင်ရန် စိတ်အားထက်သန်သူတစ်ဦးဖြစ်သည်။ ကိုဘုန်းမြတ်သည် UNDP၊ GIZ၊ FnF အစရှိသည့် အဖွဲ့အစည်းများနှင့် စွန့်ဦးတီထွင်မှုပိုင်းဆိုင်ရာ ဖွံ့ဖြိုးတိုးတတ်မှု ပရိုဂရမ်များကို ဆောင်ရွက်လျက်ရှိပြီး အူရီဒူး မြန်မာနှင့်လည်း ဂေဟစနစ်ဖွံ့ဖြိုးတိုးတတ်မှုကို အော်ပရေးရှင်းနည်းစနစ်များမှတဆင့် ပုံဖော်ဆောင်ရွက်ပေးနိုင်ရန် လုပ်ဆောင်လျက်ရှိသည်။ ကိုဘုန်းမြတ်သည် စားသောက်ကုန်ပစ္စည်းများကို တီထွင်ဆန်းသစ်နိုင်မည့်အိုင်ဒီယာအသစ်များ မွေးထုတ်ပေးသည့် တောင်ကြီးရှိ “Kitchen Hub” ၏ လုပ်ငန်းလည်ပတ်မှု အော်ပရေးရှင်းပိုင်းအတွက် တာဝန်ယူညှိနှိုင်းဆောင်ရွက်လျက်ရှိသည်။
  • irodori image
  • marugoto image

Notice & Announcements

View All