Origami Workshop

• Dec 14, 2019
• 10 am - 12 pm, 1:30 pm - 3:30 pm
• The Japan Foundation, Yangon
  No. 70, Nat Mauk Lane (1), Bahan township, Yangon

ဂျပန်ရိုးရာ Origami စက္ကူခေါက်ခြင်းကို စိတ်ပါဝင်စားသူများအတွက် ဂျပန်ဖောင်ဒေးရှင်းရန်ကုန်မှ ဒီဇင်ဘာလ ၁၄ ရက်နေ့တွင် အထူးသီးသန့် Origami Workshop ကို ပြုလုပ်သွားမည်ဖြစ်သည်။ Agency of Cultural Affairs မှ ခန့်အပ်ထားသည့် ယဉ်ကျေးမှု သံတမန်တစ်ဦးဖြစ်သည့် ဆုခုဘ တက္ကသိုလ်မှ ပရော်ဖက်ဆာ ဂျွန် မိတနိက ပုံမှန်ပြုလုပ်နေကြ Origami စက္ကူခေါက်နည်းများနှင့် ကွဲပြားသည့် ပုံစံများဖြစ်သည့် စက်လုံးပုံ၊ ဥပုံ၊ ခရင် ပုံသဏ္ဍာန် အစရှိသည့် စိတ်ဝင်စားဖွယ် Origami ပြုလုပ်နည်းများကို သင်ကြားပြသသွားမည်ဖြစ်ပါသည်။

Workshop ကို မနက်ပိုင်းနှင့် နေ့ခင်းပိုင်းဟူ၍ နှစ်ပိုင်းခွဲထားပြီး မိမိနှစ်သက်ရာ အချိန်ကိုမူတည်ပြီး တက်ရောက်နိုင်ပါသည်။ လူဦးရေကို ၂ဝ ဦးကန့်သတ်ထားသည့်အတွက် ကြိုတင်စာရင်းပေးသွင်းရန်လိုအပ်ပါသည်။ သတ်မှတ်လူဦးရေပြည့်ပါက စာရင်းပိတ်မည်ဖြစ်ပါသည်။ အသက် ၁၂ နှစ်အောက်ငယ်သော ကလေးငယ်များ ပါဝင်မည်ဆိုပါက လူကြီးတစ်ဦးမှ အတူတူလိုက်ပါရမည်ဖြစ်သည်။ ပါဝင်လိုပါက မိမိ၏ အမည်နှင့် ဖုန်းနံပါတ် (ကလေးဖြစ်ပါက အမည်၊အသက်နှင့် အတူလိုက်ပါမည့် လူကြီးတစ်ဦး၏ အမည်၊ ဖုန်းနံပါတ်) ကို ဂျပန်ဖောင်ဒေးရှင်း၏ Facebook messanger မှတစ်ဆင့် စာရင်းပေးသွင်းနိုင်ပါသည်။

နေ့ရက် – ဒီဇင်ဘာလ ၁၄ ရက်နေ့
အချိန် – မနက်ပိုင်း ( ၁ဝ နာရီ မှ ၁၂ နာရီအထိ)
နေ့ခင်းပိုင်း ( ၁ နာရီခွဲမှ ၃ နာရီခွဲအထိ)
နေရာ – ဂျပန်ဖောင်ဒေးရှင်း၊ ရန်ကုန်
သတ်မှတ်လူဦးရေ – ၂ဝ ဦး
ဘာသာစကား – ဂျပန်ဘာသာ၊ မြန်မာဘာသာ

ပရော်ဖက်ဆာ မိတနိ၏ ကိုယ်ရေးအကျဉ်း

ဒေါက်တာ မိတနိသည် Tokyo Graduate School of Engineering တက္ကသိုလ်မှ အင်ဂျင်နီယာ ပါရဂူဘွဲ့ကို ၂၀၀၄ ခုနှစ်တွင် ရရှိခဲ့သည်။ ၂၀၀၅ ခုနှစ်တွင် RIKEN သုတေသနအဖွဲ့အစည်းကို စတင်ဝင်ရောက်ခဲ့ပြီး ၂ဝဝ၆ ခုနှစ်တွင် ဆုခုဘ တက္ကသိုလ်၊ ကွန်ပြူတာသိပ္ပံဌာန၌ နည်းပြဆရာအဖြစ် တာဝန်ထမ်းဆောင်ခဲ့သည်။ ၂ဝ၁၅ ခုနှစ်မှ ယနေ့အထိ ဆုခုဘ တက္ကသိုလ်တွင် ပါမောက္ခအဖြစ်တာဝန်ထမ်းဆောင်လျက်ရှိသည်။ ဂျပန်နိုင်ငံ Agency of cultural Affairs မှ ၂ဝ၁၉ ခုနှစ်အတွက် ခန့်အပ်ထားသည့် cultural envoy (ယဉ်ကျေးမှု သံတမန်) တစ်ဦးလည်းဖြစ်သည်။ ၂ဝဝ၆ ခုနှစ်မှ ၂ဝဝ၉ ခုနှစ်အထိ ဂျပန်သိပ္ပံနှင့်နည်းပညာ အေဂျင်စီတွင် PRESTO researcher အဖြစ် သုတေသနများပြုလုပ်ခဲ့ပြီး ကွန်ပြူတာကို အသုံးပြုပြီး Origami ဂျပန်စက္ကူခေါက်သည့် နည်းလမ်းများ၊ ဒီဇိုင်းများကို လေ့လာခဲ့သည်။ သူသည် ကလေးဘဝကတည်းက စက္ကူခေါက်ပြီး လက်မှုပစ္စည်းများ ပြုလုပ်ခြင်း၊ ကွန်ပြူတာအသုံးပြုခြင်းတို့ကို နှစ်သက်ခဲ့ရာ ၎င်းတို့သည် ယနေ့ သူလေ့လာနေသည့် ဘာသာရပ်ဖြစ်လာခဲ့သည်။ သူသည် ဂျပန် Origami Academic Society ၏ အကြံပေးအဖြစ် တာဝန်ထမ်းဆောင်လျက်ရှိပြီး “3D Origami Art” ၊ “Curved Origami Design” အစရှိသည့် စာအုပ်များကိုလည်း ရေးသားခဲ့သည်။ သူ၏ Origami လက်ရာများကို “Death Note: Light Up the New World” နှင့် “Shin Godzilla” အစရှိသည့် ရုပ်ရှင်ကားများတွင် မြင်တွေ့နိုင်သည်။