Science of Origami Exhibition

• Dec 10, 2019 ~ Dec 13, 2019
• 9 am - 5 pm
• The Japan Foundation, Yangon
  No.70, Nat Mauk Lane (1), Bahan Township, Yangon

ရှေးခေတ်ကတည်းက Origami ကို လူကြိုက်များသော ဂျပန်ယဉ်ကျေးမှုတစ်ခုအဖြစ် သိခဲ့ကြသည်။ Origami ဟူသော စကားလုံးသည် စက္ကူလက်မှုပစ္စည်းပြုလုပ်ခြင်း (အနုပညာဖန်တီးမှုတစ်ရပ်) ဟူ၍ ကမ္ဘာတစ်ဝှမ်းတွင် သိကြသည်။ လက်မှုပစ္စည်းပြုလုပ်ခြင်းအပြင် Origami ၏ အခြား ထူးခြားသည့်ပုံစံများ ရှိနိုင်မည်လား။ Origami ပြုလုပ်ခြင်းနယ်ပယ်ကို သင်္ချာ၊ ကွန်ပြူတာသိပ္ပံနှင့် အင်ဂျင်နီယာ အစရှိသည့် သိပ္ပံနယ်ပယ်များတွင် ဖြန့်ကျက်ကြည့်ပါက မည်သို့ဖြစ်လာမည်နည်း။ ဆုခုဘ တက္ကသိုလ်မှ ပရော်ဖက်ဆာ ဂျွန် မိတနိသည် Origami ပြုလုပ်ခြင်း အနုပညာကို သိပ္ပံရှုထောင့်မှ မိတ်ဆက်ပေးခဲ့သူ ပညာရှင်တစ်ဦးဖြစ်သည်။ “3D Origami Art” နှင့် “Curved Origami Design” အစရှိသည့် စာအုပ်များကို ရေးသားခဲ့ပြီး သူ၏ သိပ္ပံဆန်ဆန် Origami ဖန်တီးမှုကို နာမည်ကြီး ရုပ်ရှင်ဇာတ်ကားများဖြစ်သည့် Death Note: Light Up the New World နှင့် “Shin Godzilla” ဇာတ်ကားများတွင် တွေ့မြင်နိုင်သည်။

“Science of Origami” ပြပွဲတွင် ပရော်ဖက်ဆာ ဂျွန် မိတနိ၏ မတူညီသော ရှုထောင့်မှ ပြုလုပ်ဖန်တီးထားသည့် Origami လက်ရာများကို ပြသသွားမည်ဖြစ်ပါသည်။ Origami ကမ္ဘာအသစ်ကို ရှာဖွေပြီး Origami အနုပညာသည် သိပ္ပံနယ်ပယ်တွင် ဘယ်လောက်ဝင်ဆံ့နိုင်လဲဆိုတာကို “Science of Origami” ပြပွဲသို့လာရောက်ပြီး အဖြေရှာကြရအောင်။

နေ့ရက် – ဒီဇင်ဘာလ ၁ဝ ရက်မှ ၁၃ ရက်နေ့အထိ
အချိန် – ၉ နာရီမှ ၅ နာရီအထိ
နေရာ – ဂျပန်ဖောင်ဒေးရှင်း၊ ရန်ကုန်။

ပရော်ဖက်ဆာ ဂျွန် မိတနိ၏ ကိုယ်ရေးအကျဉ်း

ဒေါက်တာ ဂျွန် မိတနိသည် Tokyo Graduate School of Engineering တက္ကသိုလ်မှ အင်ဂျင်နီယာ ပါရဂူဘွဲ့ကို ၂၀၀၄ ခုနှစ်တွင် ရရှိခဲ့သည်။ ၂၀၀၅ ခုနှစ်တွင် RIKEN သုတေသနအဖွဲ့အစည်းကို စတင်ဝင်ရောက်ခဲ့ပြီး ၂ဝဝ၆ ခုနှစ်တွင် ဆုခုဘ တက္ကသိုလ်၊ ကွန်ပြူတာသိပ္ပံဌာန၌ နည်းပြဆရာအဖြစ် တာဝန်ထမ်းဆောင်ခဲ့သည်။ ၂ဝ၁၅ ခုနှစ်မှ ယနေ့အထိ ဆုခုဘ တက္ကသိုလ်တွင် ပါမောက္ခအဖြစ်တာဝန်ထမ်းဆောင်လျက်ရှိသည်။ ဂျပန်နိုင်ငံ Agency of Cultural Affairs မှ ၂ဝ၁၉ ခုနှစ်အတွက် ခန့်အပ်ထားသည့် cultural envoy (ယဉ်ကျေးမှု သံတမန်) တစ်ဦးလည်းဖြစ်သည်။ ၂ဝဝ၆ ခုနှစ်မှ ၂ဝဝ၉ ခုနှစ်အထိ ဂျပန်သိပ္ပံနှင့်နည်းပညာ အေဂျင်စီတွင် PRESTO researcher အဖြစ် သုတေသနများပြုလုပ်ခဲ့ပြီး ကွန်ပြူတာကို အသုံးပြုပြီး Origami ဂျပန်စက္ကူခေါက်သည့် နည်းလမ်းများ၊ ဒီဇိုင်းများကို လေ့လာခဲ့သည်။ သူသည် ကလေးဘဝကတည်းက စက္ကူခေါက်ပြီး လက်မှုပစ္စည်းများ ပြုလုပ်ခြင်း၊ ကွန်ပြူတာအသုံးပြုခြင်းတို့ကို နှစ်သက်ခဲ့ရာ ၎င်းတို့သည် ယနေ့ သူလေ့လာနေသည့် ဘာသာရပ်ဖြစ်လာခဲ့သည်။ သူသည် ဂျပန် Origami Academic Society ၏ အကြံပေးအဖြစ် တာဝန်ထမ်းဆောင်လျက်ရှိပြီး “3D Origami Art” ၊ “Curved Origami Design” အစရှိသည့် စာအုပ်များကိုလည်း ရေးသားခဲ့သည်။ သူ၏ Origami လက်ရာများကို “Death Note: Light Up the New World” နှင့် “Shin Godzilla” အစရှိသည့် ရုပ်ရှင်ကားများတွင် မြင်တွေ့နိုင်သည်။